دادوەری راسپێردراو لەکۆمسیۆنی هەڵبژاردنەکانی کەرکوک دەستبەکاربوو

هەواڵ / کوردستانی :: 24/06/2018‌ :: 895‌ جار بینراوە

دواڕۆژ، عیماد جەباری
ئەمڕۆ یەکشەممە 24ی حوزەیران، دادوەری راسپێردراو وەکو بەرپرسی نوسینگەی کەرکوکی کۆمسیۆنی هەڵبژاردنەکان دەستبەکاربوو.

عەبدولباست دەروێش، وتەبێژی نوسینگەی کەرکوکی کۆمسیۆنی باڵای هەڵبژاردنەکان بە دواڕۆژی وت، دادوەر قاسم محەمەد عەزاوی وەکو بەرپرسی کۆمسیۆنی کەرکوک دەستبەکاربوو.

وتیشی "هێشتا پرۆسەی جیاکردنەوەی دەستی بۆ دەنگەکان دەستیپێنەکردووە و، ئاگاداریش نین کەی دەستپێدەکات".

ئەمەش دوای ئەوەدێت دوێنێ شەممە 23ی حوزەیران ئەنجومەنی کۆمسیاران لە دادوەرانی راسپێردراو بۆ کۆمسیۆن کۆبونەوە و رێوشوێنەکانی جیاکردنەوەی دەنگەکانیان بەدەست تاوتوێکرد.

هەروەک لە کۆبونەوەکەدا بڕیاردراوە سەبارەت بە وەستاندنی کاری سەرۆک و ئەندامانی ئەنجومەن و بەرپرسی نوسینگەکانی بەپێی هەمواری یاسای هەڵبژاردن.



created by Avesta Group and powered by Microsoft Azure