سبەی دیاردەیەکی فەلەکی لە کوردستان روودەدات

هەواڵ / کوردستان :: 20/06/2018‌ :: 75350‌ جار بینراوە

دواڕۆژ
ئەمڕۆ 20ی حوزەیرانی 2018 بەڕێوەبەرایەتی گشتی کەشناسی و بومەلەرزەزانی هەرێم رایگەیاند کە سبه‌ى پێنجشه‌ممه‌ دیاردەیەكی فەلەكی روودەدات.


کەشناسی ئاماژەی بەوەشداوە، هەموو ساڵێك و لە 20 یان لە 21 ی حوزەیراندا، دیاردەیەكی فەلەكی روودەدات و ناسراوە بە (وەرگەڕانی هاوینە – Summer Solstice) و ئەمساڵیش لە 2018.6.21 كاتژمێر 11.07 بەكاتی جیهانی و 01:07 ی پاشنيوه‌ڕۆى پێنجشه‌ممه‌ 2018.6.21 بەكاتی كوردستان یه‌كه‌م رۆژی هاوینه‌. 

باس لەوەشکراوە کە ئه‌مڕۆ زەوی دەگاتە دوورترین خاڵ لەخۆر كە دەگاتە 152 ملیۆن و 97 هەزار و 701 كیلۆمەتر، بەڵام لەگەڵ ئەوەش لە نیوەگۆی باكووردا وەرزی هاوین دەستپێدەكات، چونكە لاریی تەوەرەیی خولانەوەی زەوی بە 23 بۆ 26 پلە لەسەر خولگەكەی و هەڵبەز و دابەزینی ئاستی زەوی لەكاتی خولانەوەی بەدەوری خۆردا وادەكات لە 20 یان 21 ی حوزەیرانی هەموو ساڵێك، تیشكی خۆر بە شێوەیەكی نیمچە ستوونی بێت لەسەر (خولگەی قڕژاڵ)ی لە نیوەگۆی باكووری زەوی و كە دەبێتە هۆی بەرزبوونەوەی پلەی گەرمیی لەبەر مانەوەی زیاتری خۆر لە ئاسمان و درێژبوونەوەی كاتی رۆژ بۆدواین ئاست. 

ئەوەشخراوەتەڕوو، بە پێچەوانە لە باشووری زەویدا، تیشكی خۆر لار دەبێت لەسەر (خولگەی گیسك)، بۆیە لە دەرەنجامی كەمیی مانەوەی خۆر لە ئاسمان و كورتبوونەوەی ماوەی رۆژ و درێژبوونەوەی ماوەی شەو، لە نیوەگۆی باكووردا دیاردەی (وەرگەڕانی زستان)ەیە، واتە دابەزینی زۆری پلەی گەرمیی دەستپێكردنی وەرزی زستان لە 20 یان 21 ی حوزەیرانی هەموو ساڵێك. 

هێما بۆ ئەوەشکراوە "لەهەمان كاتدا و لە جەمسەری بەستووی باكور و لەوکاتە بەدواوە تا ماوەیەكی دیكە خۆر لە ئاسمانیدا ئاوانابێت و بە پێچەوانە بۆ كیشوەری بەستووی باشوور (ئەنتاركتیكا) شەوداهاتنێكی بێ هەڵاتنی خۆر تاماوەیەك دەست بەسەر ئەو ناوچەیەدا دەگرێت".



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە