"رێژه‌یا هاتنا گه‌شتیارێن بیانی بۆ هه‌رێمێ گه‌له‌ك كێمه‌"

هەواڵ / ئابوری :: 19/06/2018‌ :: 630‌ جار بینراوە

دواڕۆژ، بورهان یه‌حیا
بسپۆره‌كێ گه‌شتیاری ئاماژه‌ی ب هندێ دده‌ت كو؛ راده‌ستكرنا گه‌شتوگوزارێ بۆ كه‌رتێ تایبه‌ت بێی چ دووڤچۆنه‌كێ و نه‌بوونا پلانه‌كا بهێز بوویه‌ ئه‌گه‌رێ هندێ گه‌شتیارێ بیانی گه‌له‌ك كێم قه‌ستا هه‌رێما كوردستانێ بكه‌ن.

عه‌بدولره‌زاق نهێلی بسپۆرێ گه‌شتیاریێ بۆ دواڕۆژ رۆهنكر" سروشت و ژینگه‌هـ ‌و كه‌ش و هه‌وا و دابونه‌ریت و كو‌لتۆرێ كوردستانئ گه‌له‌ك دگونجاینه ‌بۆ گرنگیدان ب هه‌موو جۆرێن گه‌شتوگوزارێ ( tourism ) داكو ببیته ‌ژێده‌ره‌ك باش بۆ ئابوورێ وه‌لاتی لێ هه‌تا نوكه ‌ئه‌م نه‌شیاینه ‌سه‌رنجا جیهانا ژده‌رڤه ‌راكێشین و ئێك ژوان ئه‌گه‌ران ژی ئه‌وه‌ كو نه‌شیاینه‌ ب پلانه‌كا سه‌رده‌میانه‌ و جوان په‌یاما گه‌شتوگوزارا هه‌رێمێ بگه‌هینینه‌ وه‌لاتێن دوورده‌ست وه‌ك ئه‌ورۆپا و یێن ئه‌ره‌بی".

خویاكر" نه‌بونا پلانا بازاركرن و ریكلامكرنا گوزاری لسه‌ر هه‌موو ئاستا بگره ‌ژ (دیتن و گوهـلێبوون و خواندن) ب هه‌موو زمانان ڤه‌ ژبلی كوردی و ئه‌ره‌بی و  راده‌ستكرنا كه‌رتێ گه‌شت و گوزارێ بۆ كه‌رتێ تایبه‌ت بێی دووڤچۆنه‌كا چڕ؛ ژ ئه‌گه‌رێن دی یێن كێم هاتنا گه‌شتیارێن بیانینه‌ بۆ سه‌یرانگه‌هێن هه‌رێمێ".

راگه‌هاند" هه‌تا نوكه‌ نه‌شیاینه‌ ب باشی جوداهیێ دناڤبه‌را وه‌به‌رهێنه‌ر و سه‌رمایه‌داری دناڤا كه‌رتێ گه‌شت و گوزارێ دا بكه‌ین و پرۆژه‌یێن گوزاری یێن نایاب ل هـاڤینگه ‌و جهێن گوزاری كو ببنه ‌جهـێ راكێشانا سه‌رنجا بیانیه‌ دكێمن".

گه‌شتیارنیاس عه‌بدولره‌زاق نهێلی دیاركر" چه‌ندین ئه‌گه‌ر و هۆكارێن دی ژی بووینه‌ ئه‌گه‌رێ كێم هاتنا گه‌شتیارێن بیانی و ژوان كێمیا خزمه‌تگوزاریا ل بنگه‌هێن گوزاری و نه‌بوونا رێیێن دروست و پێدڤی، نه‌بوون و كێمیا كه‌سانێن خودان شیان د بوارێ گه‌شتوگوزارێ دا و تایبه‌ت ل بنگه‌هـ ‌و جهێن گوزاری" .

خویاكر" چ سانسۆر لسه‌ر كۆمپانی و بریكارێن گوزاری و داكۆكیكرن لسه‌ر ئینانا گه‌شتیارێن بیانی نینن و دڤێت نه‌چار بكه‌ن گه‌شتیارێن بیانی بیننه‌ هه‌رێمێ".



created by Avesta Group and powered by Microsoft Azure

بەپەلە