نێزیکی 20 هزار گەشتیار سەرەدانا دهۆک کرینە

هەواڵ / ئابوری :: 18/06/2018‌ :: 435‌ جار بینراوە

دواڕۆژ، بورهان یەحیا
ل سنۆرێ پارێزگەها دهۆک و ل هەر سێ رۆژێن جەژنێ نێزیکی ۲۰ هزار گەشتیار قەستا جهێن گوزاری کرینە.

عەبدولرەزاق نهێلی، بسپۆرێ گەشتیاری بۆ دواڕۆژ رۆهنکر "وەسا هاتییە پێشبییکرن هەر ژدەستپێکا جەژنێ هەتا هەفتییەکێ پشتی وێ ژی جهێن گوزاریێن دهۆک پێشوازیێ ل ۵۰ هزار گەشتیاران بکەن و رێڤەبەریێن گەشتوگوزارێ ژی هەموو بەرهەڤیێن خۆ کرینە کو ب رێکوپێکی ئەرکێن خۆ جێبەجێ بکەن و ل سێ رۆژێن جەژنێ ژی نێزیکی ۲۰ هزار گەشتیار هاتینە دهۆک".

ئاماژەکر "پترییا گەشتیاران قەستا جهێن گوزاری یێن دەڤەردارییا ئاکرێ کرینە چونکو نێزیکی باژێرێ هەولێرێ یە و دشێن ب ئاسانی بچنە جهێن گوزاریێن هەولێر".

دیارکر "رێڤەبەریێن گەشتوگوزارێ داخواز ژ هەموو جهێن گوزاری کرینە کو ئەگەر بشێن کارەبێ ڤەگوهێزنە جهێن خۆ و خزمەت و سەرەدەرییا باش پێشکێشی گەشتیاران بکەن و پاقژییا وان جهان بپارێزن و رێنومایان بدەنە گەشتیاران".

خویاکر "هەر گەشتیارەک چ بتنێ بهێت یان دگەل گرۆپەکی نێزیکی ۲۵۰ دۆلاران دمەزێخیت و ئەڤە دشێت ئابوورێ دەڤەرێ پێشبێخیت".



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە