بریتانیا ناهێڵێت هاندەرە (گێرەشێوێنەكان) بچنە مۆندیالی روسیا

هەواڵ / جیهان :: 15/06/2018‌ :: 284‌ جار بینراوە

تاگ :: جیهان

دواڕۆژ
هەفتەیەكە بەشێكی تایبەت لە وەزارەتی ناوخۆی بریتانیا، هەڵمەتێكی فراوانی دەست پێكردووە بۆ دەستبەسەرداگرتنی پاسپۆرتی ئەو كەسانەی كە بە (هاندەرە گێرەشێوێنەكانی هۆلیگەنز) ناسراون و ژمارەیان 1312 كەسە و بریتین لەو هاندەرانەی لەكاتی بەڕێوەچوونی مۆندیالە جیهانیەكاندا كاری تێكدەرانە دەكەن و پەشێوی و ئاڵۆزیی و تەنانەت شەڕ و كوشتاریش دەنێنەوە.


ئامانجی ئەو هەڵمەتە وەك وەزارەتی ناوخۆی بریتانیا دەڵێت رێگرتنە لەو ئاژاوەچییانە بۆ ئەوەی گەشتی روسیا نەكەن و دۆخی مۆندیالەكەی روسیا تێكنەدەن كە دوێنێ‌ پێنج شەممە 14ی حوزەیران دەستی پێكردووە. هەروەك رێگرتنە لە دووبارەبوونەوەی كردەوە توندوتیژەكانی نێوان هاندەرانی ئینگلیز و روس كە لە شاری مێرسیلیا-ی فرەنسا و لەمیانەی جامی ئەوروپای 2016 روویاندا. 

بەگوێرەی زانیارییەكان، هەتا دوێنێ‌ كە یەكەم رۆژی مۆندیالەكە بووە، تیمەكانی ئەو هەڵمەتە 1254 پاسپۆرتی هاندەرانی هۆلیگەنز-یان كۆكردووەتەوە و لای دەسەڵاتدارە خۆجێیەكان دەپارێزرێن هەتا دواڕۆژی مۆندیالەكەی ئەمساڵ كە لە 15ی تەموزدا تەواو دەبێت و هەتا ئەو رۆژەیش هەڵمەتەكانی كۆكردنەوەی پاسپۆرتەكان بەردەوام دەبێت. 


 پێشبینی دەكرێت نزیكەی 10 هەزار هاندەری بریتانیا بچنە روسیا بۆ هاندانی هەڵبژاردەی نیشتمانیی وڵاتەكەیان لە مۆندیاڵی ئەم ساڵدا.







  • ڕۆژ
  • هەفتە
  • مانگ
created by Avesta Group and powered by Microsoft Azure