رۆژێن جه‌ژنێ زاخۆ دێ پیشوازییا نێزیكی 5هزار گه‌شتییاران كه‌ت

هەواڵ / کوردستان :: 5 رۆژ پێش ئێستا‌ :: 167‌ جار بینراوە

دواڕۆژ، دهۆك
به‌رپرسێ راگه‌هاندنا گه‌شتوگۆزارا زاخۆ راگه‌هاند، سێ رۆژێن جه‌ژنا ره‌مه‌زانا ئه‌ڤ ساله‌ زاخۆ دێ پێشوازییا نێزیكی 5 هزار گه‌شتییاران كه‌ت.

بێوار سندی، بۆ دواڕۆژ گۆت"رۆژانه‌ ل جه‌ژنێ نێزیكی 1500 گه‌شتییاران دێ ژ ناڤه‌راست و باشورێ ئیراقێ سه‌ره‌دانا زاخۆ كه‌ن و هه‌موو ئاماده‌كاری بۆ پێشوازییا وان هاتینه‌ كرن".

ناڤبۆری خوه‌یاكر"گه‌شتوگۆزارا زاخۆ چه‌ندین لیژنه‌ بۆ پێشوازیا گه‌شتییاران پێكئیناینه‌ و دێ رێنوومایان و رێبه‌ریا گشه‌تییاری پێشكێشی وان كه‌ن، دهه‌مان ده‌مدا لیژنه‌كا وان دێ چاڤدێریا جهێن گه‌شتوگۆزاری كه‌ت".

سندی دازانین"جودا ژ سالێن ده‌ر‌بازبووی دێ پتریا خارنگه‌هێن زاخۆ دڤه‌كریبن و دێ خزمه‌تا گشه‌تییاران كه‌ن".

ئێك ژ ده‌ڤه‌رێن گه‌شتییاری یێن پارێزگه‌ها دهۆك قه‌زا زاخۆیه‌ كو ب خابووری و پرا ده‌لال و هاڤینگه‌هێن شه‌رانش و شكه‌فتا بهێرێ و چه‌ند ده‌ڤه‌رێن دی بالا گه‌شتییاران بخوه‌ راكشایه‌.



  • ڕۆژ
  • هەفتە
  • مانگ
created by Avesta Group and powered by Microsoft Azure