زەریف: لە ڕێككەوتنی ئەتۆمیدا دەمێنینەوە ئەگەر قەرەبوو بكرێینەوە

هەواڵ / جیهان :: 05/06/2018‌ :: 471‌ جار بینراوە

تاگ :: جیهان

دواڕۆژ
وەزیری دەرەوەی ئێران رایگەیاند، ئەگەر بڕیار بێت تاران لە رێككەوتنی ئەتۆمیدا بمێنێتەوە، دەبێت لە لایەن وڵاتانی دیكەوە قەرەبووی بۆ بكرێتەوە.


بەشێكی زۆری میدیاكانی ئێران بڵاویانكردەوە، محەمەد جەواد زەریف وەزیری دەرەوەی ئێران لە نامەیەكدا بۆ وەزیرانی دەرەوەی وڵاتانی ئەندامی ڕێككەوتنی ئەتۆمی نوسیویەتی، كشانەوەی ئەمریكا لە ڕێككەوتنی ئەتۆمی پێشێلكردنی ڕێككەوتنەكە و ڕێككەوتنی 2231ی  ڕێكخراوی نەتەوەیەكگرتووەكانە.

وەزیری دەروەی ئێران ئاماژەی بۆ ئەوەشكردووە، ئێران بە بەڵێنەكانییەوە پابەند بووە و ئەگەر بڕیاربێت درێژە بەو ڕێككەوتنە بدات دەبێت وڵاتانی دیكەی ئەندام و هاوبەشە بازرگانییەكان گرەنتی بدەنە ئێران كە قەرەبووی ئەو زیانانەی لە كشانەوەی ئەمریكا بەر ئێران كەوتووە، بكەنەوە.



created by Avesta Group and powered by Microsoft Azure