وێنە: هاووڵاتیان له‌ كڕینى جۆرێكى گۆشت ئاگادار ده‌كرێنه‌وه‌

هەواڵ / کوردستان :: 27/05/2018‌ :: 20747‌ جار بینراوە

دواڕۆژ، كۆچه‌ر عه‌لى
قایمقامیه‌تى قه‌زاى ناوه‌ندى هه‌ولێر داوا له‌ هاووڵاتیان ده‌كات، ئه‌و جۆره‌ گۆشتانه‌ نه‌كڕن كه‌ بڵقی سپی بچوکی لەسەر درووستبووە، چونكه‌ ئه‌و جۆره‌یان به‌هۆى به‌كتریاوه‌ پیسبووه‌و به‌ كوڵاندن له‌ناوناچن.


ئه‌مڕۆ یه‌كشه‌ممه‌ 27ى ئایارى 2018، قایمقامیه‌تى قه‌زاى ناوه‌ندى هه‌ولێر له‌ راگه‌یاندراوێكدا داواى له‌ هاووڵاتیان كردووه‌، ئه‌و جۆره‌ گۆشتانه‌ نه‌كڕن كه‌ بڵقى سپى له‌سه‌ر دروستبووه‌.

له‌ راگه‌یاندراوه‌كه‌دا هاتووه‌ "لەگەڵ هاتنى مانگی رەمەزاندا بازاڕکردن زۆر دەبێت و جۆرەها کاڵای باش و خراپ دەخرێنە بازاڕاوە، بۆیە ئاگاداربن لەکاتی کڕینی گۆشتدا، ئه‌و جۆره‌یان مه‌كڕن کە بڵقی سپی بچوکی لەسەر درووستبووه‌".

ئاماژه‌ به‌وه‌شكراوه‌، ئه‌و جۆره‌ گۆشتانه‌ بە کیسەی (cyst) هێلکانەی بەکتریا پیسبووەو لەکاتی خواردنیدا ئەگەری تووشبوونی کەسەکەی هەیە بە نەخۆشی سیل و کێشە بۆ کۆئەندامی هەرس دروستدەکات، هه‌روه‌ها ئەم جۆرە کیسانە بە کوڵاندن لەناوناچن بەڵکو پێویستە ئەم جۆرە گۆشتە یەکسەر بسوتێنرێت و لەناوببرێت.



  • ڕۆژ
  • هەفتە
  • مانگ
created by Avesta Group and powered by Microsoft Azure