مه‌ترسیدارترین تیرۆریستێ ئه‌ورۆپیێ داعش هاته‌ ده‌سته‌سه‌‌ركرن

هەواڵ / جیهان :: 25/05/2018‌ :: 447‌ جار بینراوە

تاگ :: جیهان

دواڕۆژ، بورهان یه‌حیا
سه‌نته‌رێ راگه‌هاندنا هێزێن سووریا دیمۆكرات (هه‌سه‌د)ێ راگه‌هاند، د ئۆپراسیۆنه‌كا تایبه‌ت دا سه‌ركرده‌یه‌كێ داعش یێ ره‌گه‌ز ئه‌ورۆپى ب ناڤێ "ئه‌دریان لیونیل كیالى" یێ به‌رنیاس ب (ئه‌بو ئوسامه‌) فه‌ره‌نسى هاته‌ ده‌سته‌سه‌ركرن.


د راگه‌هاندنه‌كا سه‌نته‌رێ راگه‌هاندنا هێزێن سووریا دیمۆكرات كو دانه‌یه‌ك بۆ دواڕۆژ هاتییه‌ ئاماژه‌ هاتییه‌دان "پشتى ئۆپراسۆنا كۆمكرنا پێزانینان و لێگه‌ریانێ ژلایێ هێزێن تایبه‌تێن هه‌والگێرییا له‌شكه‌رى چه‌ندین چه‌كدارێن داعش هاتینه‌ ده‌سته‌سه‌ركرن كو تێدا سه‌ركرده‌یێ دیارێ وان ئه‌دریان لیونیل كیالى یێ به‌رنیاس ب ئه‌بو ئوسامه‌ فه‌ره‌نسى دگه‌ل هه‌ڤژینا وى هاتنه‌ ده‌سته‌سه‌ركرن كو ئه‌وا رۆله‌كێ به‌رچاڤ ل هێرشێن سه‌ر وه‌لاتێ فه‌ره‌نسا ل سالا 2015ێ هه‌بووینه‌ و دگه‌ل هێرشا سه‌ر باژێڕێ نیس ل سالا 2016ێ".

زێده‌تر هاتییه‌ "ئه‌دریان كیالى یێ ره‌گه‌ز فه‌ره‌نسى ل سالا 1983 هاتییه‌ دونیایێ و ل سالا 2003ێ بوویه‌ بسورمان و داخباربوویه‌ ب هزرا توندره‌ویێ و ل سالا 2010ێ ژبه‌ر ئه‌ندامبوونا د گرۆپێن توندره‌و دا هاتییه‌ ده‌سته‌سه‌ركرن و ل سالا 2015ێ ب رێكا سووریا گه‌هشتییه‌ رێزێن داعش د ده‌رگه‌هێ گرێ سپى چونكو ل وێرێ خاله‌كا فه‌رمى مابه‌ینا توركیا و داعش دا هه‌بوویه‌ و وه‌كو مه‌ترسیدارترین تیرۆریستێ ئه‌ورۆپیێ داعش ل سووریا دهاته‌ نیاسن".

خویاكرییه‌ "پشتى داعش ل هه‌موو ده‌ڤه‌رێن سووریا شكه‌ستى ئه‌ڤ چه‌كداره‌ خۆ ل ده‌ڤه‌ره‌كا ره‌ققه‌ ڤه‌شارتییه‌ و ل ده‌لیڤه‌یه‌كێ دگه‌ریا كو ده‌ربازى توركیا ببیت و دووڤدا به‌ره‌ڤ ئه‌ورۆپا لێ پشتى كۆمكرنا پێزانینان و د ئۆپراسیۆنه‌كا تایبه‌ت دا ژلایێ هێزێن هه‌سه‌دێ ڤه‌ هاته‌ ده‌سته‌سه‌ركرن".

 


ژ.م



created by Avesta Group and powered by Microsoft Azure