وێنە: لە شارێکی هەرێمی کوردستان لافاو دروستبوو

هەواڵ / کوردستان :: 21/05/2018‌ :: 37311‌ جار بینراوە

دواڕۆژ، ئاکۆ حەمەد رابی
ئێوارەی ئەمڕۆ دووشەممە شەپۆلێکی بارانبارین دەڤەری سۆرانی گرتەوە و لە ئەنجامدا لە ناحیەی خەلیفان لافاو دروستبوو، بەڕێوەبەری راگەیاندنی بەرگری شارستانی سۆرانیش دەڵێت "لافاوەکە هیچ زیانی گیانی بەدواوە نەبووە".


رائید بەیار باڵەکی، بەڕێوەبەری راگەیاندنی بەرگری شارستانی سۆران لە لێدوانێکدا بە دواڕۆژی راگەیاند، ئێوارەی ئەمڕۆ بارانێکی زۆر باری، بەو هۆیەشەوە لە خەلیفان لافاو دروستبوو و ئاو چووە ناو کۆمەڵێک ماڵ و ژمارەیەک ئۆتۆمبێلیش بۆ ماوەیەکی زۆر گیریانخوارد.

ئاماژەی بەوەشدا کە جگە لە زیانی ماددی خۆشبەختانە لافاوەکە هیچ زیانی گیانی بەدواوە نەبووە.

به‌رپرسه‌كه‌ى بەرگری شارستانی باسی لەوەشکرد کە تیمەکانیان لە حاڵەتی ئامادەباشیدان.



created by Avesta Group and powered by Microsoft Azure