نەخۆشخانەیەکی هەرێم داوای بەهاناوەچوون دەکات

هەواڵ / کوردستان :: 21/05/2018‌ :: 5061‌ جار بینراوە

دواڕۆژ، بەختیار شەریف
بانکی خوێن لەنەخۆشخانەی گشتی شەهید پێشڕەو لەچەمچەماڵ داوای بەخشینی خوێن دەکات.

ئەیوب حمەغەریب، جێگری بەڕێوەبەری تەندروستی چەمچەماڵ ئه‌مڕۆ دووشه‌ممه‌ 21ی ئایار بەدواڕۆژی راگەیاند "بانکی خوێن لە نەخۆشخانەی گشتی شەهید پێشڕەو بە نووسراوێک کە ئاڕاستەیان کردووە،  ئاماژە بەوەدەکەن پێویستی زۆریان بەخوێن هەیە بۆ نەخۆش و نەشتەرگەری و سەرجەم حاڵەتە کتوپڕ و لەناکاوەکان".

راشیگەیاند "ئێمەش بۆ ئەو مەبەستە ئاگاداری سەرجەم هاووڵاتیانی سنوری قەزای چەمچەماڵ دەکەینەوە و داوایان لێدەکەین کە هەر کەسێک توانای خوێنبەخشینی هەیە و دەیەوێت خوێن ببەخشێت، سەردانی بانکی خوێن لەناو نەخۆشخانەی گشتی شەهید پێشڕەو لە قەزای چەمچەماڵ بکات".

جێگری بەڕێوەبەری تەندروستی چەمچەماڵ ئەوەشی وت "پێویستمان بەهەموو جۆرەکانی خوێنە لەهەر گروپێک بێت، بە بۆنەی مانگی رەمەزانیشەوە کارمەندانی بانکی خوێن لەدوای کاتژمێر 7ی ئێوارەوە ئامادەن بۆ وەرگرتنی خوێن لەهاووڵاتیان".

سنوری قەزای چەمچەماڵ نزیکەی 200 هەزار کەس تیایدا نیشتەجێیە و تائێستا تەنها یەک نەخۆشخانەی گشتی و بەشێکی فریاکەوتنی تێدایە.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە