"ئێزدییان مافێ 8 كۆرسیان هه‌یه‌ لێ 3 بده‌ستخستن"

هەواڵ / کوردستان :: 19/05/2018‌ :: 892‌ جار بینراوە

دواڕۆژ، بورهان یه‌حیا
ئه‌ندامێ جڤاتا پارێزگه‌ها نه‌ینه‌وا و كه‌سایه‌تیێ ئێزدى راگه‌هاند؛ نه‌رێكخستنا ئێزدییان بوویه‌ ئه‌گه‌ر كو نه‌شێن كۆرسیێن په‌ڕ‌له‌مانێ ئیراقێ جێگیر بكه‌ن، چونكو پێشتر 7 بوون و نوكه‌ 2 و بۆ خولا بهێت ژى یێن بووینه‌ 3 كۆرسى.


خودێدا خه‌له‌ف ئه‌ندامێ جڤاتا پارێزگه‌ها نه‌ینه‌وا و كه‌سایه‌تیێ ئێزدى بۆ دواڕۆژ رۆهنكر" ب گۆره‌ى هه‌ژمارا ئاكنجیێن ئێزدییان ل ئیراق و هه‌رێمێ هه‌تا 8 كۆرسییان دشێن ل په‌ڕله‌مانێ ئیراقێ مسۆگه‌ر بكه‌ن لێ نه‌رێكخستنا جڤاكى و هه‌ژمارا زێده‌ یا به‌ربژێڕان بوویه‌ ئه‌گه‌ر كو به‌رده‌وام گوهۆڕین لسه‌ر په‌ڕله‌مانتارێن ئێزدى د ابهێت و ب وى ره‌نگى كو ل خولا به‌رێ 7 په‌ڕله‌مانتار هه‌بوون و خولا نوكه‌ یێن بووینه‌ 2 په‌ڕله‌مانتار و بۆ خولا بهێت ژى 3 كه‌س ده‌رچۆینه‌".

ئاماژه‌كر" ئه‌و سێ كه‌سێن ده‌رچۆینه‌ ئه‌ڤه‌نه‌: سائیب خدر ژ پارتا پێشكه‌ڤتنا ئێزدى كو ئه‌ڤه‌ دبیته‌ كۆرسیا كوتا یا ئێزدییان، خالیدا خه‌لیل ژ پارتا دیمۆكراتا كوردستان، حسین حه‌سه‌ن ژ ئێكه‌تیا نیشتیمانى كوردستان".

دیاركر" پترى 66 كه‌سێن ئێزدى خۆ بۆ په‌ڕله‌مانێ ئیراقێ كاندید كربوون كو بتنێ 6 بۆ كۆرسیا كۆتایێ بوون و هنده‌ك دى لسه‌ر پارتێن ئه‌ره‌بى كاندید بوون و نێزیكى 50 كه‌س ژى لسه‌ر لیستێن هه‌ر دوو پارتێن دیمۆكرات و ئێكه‌تى به‌ربژاربوون و ب ڤێ چه‌ندێ ده‌نگێن وان به‌لاڤ بوون و نه‌شیان 7 كۆرسیێن خولا بۆرى دووباره‌ بده‌ستخۆڤه‌ بینن".



created by Avesta Group and powered by Microsoft Azure