بەهۆی رووداوی هاتوچۆوە گەنجێک لەسلێمانی گیانی لەدەستدا

هەواڵ / کوردستان :: 13/05/2018‌ :: 383‌ جار بینراوە

تاگ :: سلێمانى

دواڕۆژ
ئەمڕۆ 13ی ئایاری 2018 پۆلیسی سلێمانی رایگەیاند کە لەڕووداوێكی هاتوچۆدا گەنجێك لە سلێمانی گیانی لەدەستدا و تۆمەتباری رووداوەكەش دەستگیر كرا.

پۆلیسی سلێمانی لەڕاگەیەنراوێکدا ئاماژەی بەوەشداوە كە لەسەر پردی دەباشان ئۆتۆمبێلێك گەنجێكی تەمەن (16بۆ 18) ساڵ دەشێلێت و دوای ئەوەی دەگەیەنرێتە نەخۆشخانە بەهۆی سەختی برینەكەیەوە گیانی لەدەستدا.

روونیشیكردەوە كە شۆفێری ئۆتۆمبێلەكە ناوی (ج. ع. ع.)ەو بەپێی مادەی 24ی هاتوچۆ دەستبەسەركراوە.

ئاماژەی بەوەشکردوە كە بەهۆی ئەوەی گەنجەكە هیچ ناسنامەیەك یاخود هۆكارێكی پێ‌ نەبووە بۆ ناسینەوەی، تائێستا نازانرێت ناوی چییە و دانیشتوی چ شوێنێكە و خانەوادە و كەسوكارەكەی نەدۆزراونەتەوە.

ئەوەشی خستەڕوو كە لە ئێستادا پەڕاوی لێكۆڵینەوە لەلایەن بنكەی پۆلیسی كوردساتەوە بۆ ڕووداوەكە كراوەتەوە و لێكۆڵینەوە بەردەوامە.



  • ڕۆژ
  • هەفتە
  • مانگ
created by Avesta Group and powered by Microsoft Azure