خەلیفان.. بەهۆی بارانەوە لافاو دروستبووە

هەواڵ / کوردستان :: 05/05/2018‌ :: 1264‌ جار بینراوە

دواڕۆژ، ئاکۆ حەمەد رابی
ئێوارەی ئەمڕۆ شەممە 5ی ئایار به هۆی باران بارینی زۆرەوەو لە ناحیەی خەلیفان لافاو دروستبووەو ژمارەیەک دوکانیش ئاوی زۆر یان چۆتە ناوەوەو ژمارەیەک ئۆتۆمبێلیش گیریان خواردووە. 

بەیار باڵەکی وتەبێژی بەرگری شارستانی سۆران بە دواڕۆژی ڕاگەیاند "بەهۆی بارانبارینی زۆرەوە لە شەقامی سەرەکی ناو بازاڕی ناحیەی خەلیفانی قەزای سۆران لافاو دروستبووەو تیمەکانی بەرگری شارستانیش لە حاڵەتی ئامادەباشین". 

وتیشی "بەهۆی لافاوەکەوە ژمارەیەک ئۆتومبێل گیریان خواردووەو ئاوێکی زۆریش چۆتە ناو هەندێک دوکان و ماڵ". 

باڵەکی ئاماژەی بەوەشدا کە تا ئێستاش بارینی بارانی بەخوڕ بەردەوامە، بۆیە مەترسی لافاو هێشتا ماوە.

لەبارەی زیانەکانی لافاوەکەشەوە باسی لەوەکرد، کە خۆشبەختانە هیچ زیانی گیانی نەبووە، بەڵام کەلوپەلی ژمارەیەک هاوڵاتی زیانیان پێگەیشتوە.



created by Avesta Group and powered by Microsoft Azure