كەشناسی زانیاری لەسەر شەپۆلی بارانبارین دەخاتەڕوو

هەواڵ / کوردستانی :: 28/04/2018‌ :: 2565‌ جار بینراوە

دواڕۆژ، ئاوارە حەمید
بەڕێوەبەری گشتی كەشناسی و بومەلەرزەزانی هەرێمی كوردستان ئاشكرای دەكات كە بەشێوەی كاتی بارانبارین وەستاوە، بەڵام كاریگەری دەبێت تاوەكو رۆژی سێ شەممەی داهاتوو.

فازڵ ئیبراهیم، بەڕێوەبەری گشتی كەشناسی و بومەلەرزەزانی هەرێمی كوردستان ئەمڕۆ شەممە 28ی نیسانی 2018، بە دواڕۆژی راگەیاند "ئەم شەپۆلە بارانبارینەی هەرێمی كوردستانی گرتوەتەوە بڕێكی زۆر باران لەسەرتاسەری هەرێم باریوە".

وتیشی "لە ئێستادا بە شێوەیەکی كاتی بارانبارین وەستاوە، بەڵام ئەمە كاتییە و ئێوارەی ئەمڕۆ دەستپێدەكاتەوە".

سەبارەت بە كاریگەری ئەم شەپۆلی بارانبارینە بەڕێوەبەری گشتی كەشناسی و بومەلەرزەزانی هەرێمی كوردستان رونیكردەوە كە پێشبینی دەكرێت كاریگەرییەكەی تاوەكو بەیانی رۆژی سێ شەممە بەردەوامی هەبێت، بەڵام بەشێوەی بەهارە باران واتا لێزمەباران دەبارێت و پاشان خۆر دەردەكەوێتەوە.



created by Avesta Group and powered by Microsoft Azure

بەپەلە