دواین زانیاری له‌سه‌ر سه‌ردانی عه‌بادی بۆ دهۆك

هەواڵ / کوردستانی :: 26/04/2018‌ :: 447‌ جار بینراوە

دواڕۆژ، دهۆك
سه‌رۆكی لیستی نه‌سر له‌ پارێزگای دهۆك رایگه‌یاند، ئه‌وان نازانن حه‌یده‌ر عه‌بادی چ كاتێك سه‌ردانی دهۆك ده‌كات.


ناسر به‌گ، سه‌رۆكی لیستی نه‌سر له‌ دهۆك بۆ دواڕۆژ وتی"بڕیاری عه‌بادی ئه‌وه‌بووه‌ كه‌ دوای سلێمانی و هه‌ولێر بۆ مه‌به‌ستی بانگه‌شه‌ی لیستی نه‌سر‌ بۆ هه‌لبژاردنی ئه‌نجومه‌نی نوێنه‌رانی عێراق سه‌ردانی دهۆك و چه‌ند ناوچه‌كی ئه‌و پارێزگایه‌ بكات، به‌ڵام تا ئێستا نازانین كه‌ی ئه‌و سه‌ردانه‌ ده‌كات".

ناوبرا وتیشی" پێش بانگه‌شه‌ی هه‌ڵبژاردن له‌ به‌غدا چاویان به‌عه‌بادی كه‌وتبوو و داوایان لێكربوو سه‌ردانی دهۆك بكات، عه‌بادی-ش به‌ڵێنی دابوو ئه‌و سه‌ردانه‌ ئه‌نجم بدات".

حه‌یده‌ر عه‌بادی، سه‌رۆك وه‌زیرانی عێراق كه‌ هاوكات سه‌رۆكی هاوپه‌یمانی نه‌سره‌ دوێنێ بۆ مه‌به‌ستی بانگه‌شه‌ی هه‌لبژاردن بۆ لیسته‌كه‌ی گه‌یشته‌ سلێمانی ئه‌مڕۆش له‌شاری هه‌ولێر بوو.



created by Avesta Group and powered by Microsoft Azure