20 تەنكەری گاز رەوانەی ئێران كرانەوە

هەواڵ / ئابوری :: 24/04/2018‌ :: 363‌ جار بینراوە

دواڕۆژ، رێبین حەسەن
بەهۆی دەرنەچوونیان لە پشكنین و نەشیاویان بۆ بەكارهێنان، لەمەرزی نێودەوڵەتی باشماخ 20 تەنكەری گاز رەوانەی وڵاتی سەرچاوە كە ئێرانە كرایه‌وه‌.

بەپێی راگەیاندراوێكی بنكەی پشكنینی سوتەمەنی مەرزی نێودەوڵەتی باشماخ، ئه‌مڕۆ سێشه‌ممه‌ 24ى نیسان بڵاوكراوه‌ته‌وه‌ و وێنەیەكی دراوەتە دواڕۆژ، هاتووه‌ "دوای ئەوەی ژمارەیەك تەنكەری سوتەمەنی كە گازیان پێبوو، هاتنە مەرزی نێودەوڵەتی باشماخ بەمەبەستی ئەوەی بخرێنە بەنزینخانەكانی هەرێمی كوردستان و بەتایبەتیش بەنزینخانەكانی سنووری پارێزگای سلێمانی، بەڵام نموونەی 20 تەنكەر گاز بۆ پشكنین وەرگیرا".

ئاماژە بەوەشكراوە، دوای پشكنین و كاری یاسایی و ئەو رێكارانەی پێویستن بۆ ئەنجامدانی پشكنین بۆیان، بەڵام لەپێناو پاراستنی سەلامەتی هاونیشتمانینان و ڕێگری لە هاوردەكردنی كەرەستە و كاڵای هاوردەكراوی خراپ و نەشیاو، هەر 20 تەنكەری گازە ئێرانەیەكە دەركەوت نەگونجاوە و نەشیاوە بۆ بەكارهێنان.

ئەوەشخراوەتەڕوو "لەلایەن لیژنەیەكی تایبەتمەندەوە كە لەچەند فەرمانگەیەكی پەیوەندی دار پێكهاتبوون، بڕیاردرا بە گەڕانەوەی سەرجەم تانكەرە گازه‌كان بۆ وڵاتی هاوردە".



  • ڕۆژ
  • هەفتە
  • مانگ
created by Avesta Group and powered by Microsoft Azure