ئێران: لەماوەی یەک هەفتەدا کێشەی کۆڵبەرەکان له‌ سنوره‌كان چاره‌سه‌ر ده‌بێت

هەواڵ / ئابوری :: 24/04/2018‌ :: 223‌ جار بینراوە

دواڕۆژ
وەزیری ناوخۆی ئێران داوایکرد لە ماوەی یەک هەفتە کێشەی کۆڵبەرەکان لە شارە سنوورییەکان تاوتوێ بکرێت و ڕێکاری نوێ بخرێتە بەردەست بۆ بڕیاردان له‌سه‌رى.


ئاژانسی هه‌واڵى میهر، له‌ راپۆرتێكدا بڵاویكردوه‌ته‌وه‌، له‌ کۆبوونەوەیه‌كى فراواندا بە بەشداری عەبدولڕەزا ڕەحمانی فەزلی، وەزیری ناوخۆی ئێران و پارێزگارەکانی سیستان و بەلوجستان، بوشێهر، کرماشان، ئازەربایجانی ڕۆژئاوا، خوزستان و کوردستان بەشداریان کردبوو، تیایدا دۆخی بازاڕچە سنوورییەکانی ئێران و كێشه‌ى كۆڵه‌به‌رى سنوره‌كان تاوتێكرا.

ڕەحمانی فەزلی رایگه‌یاندوه‌، دەوڵەت بەو گەڵاڵە نوێیەی لەم دواییە واژۆیکردووە  ده‌یه‌وێت چالاکی کۆڵبەرەکان لە پارێزگا سنوورییەکان ڕێکبخات.

رونیكردوه‌ته‌وه‌ "دەبێت بە پێی پلانێکی ورد کۆڵبەرە ڕاستەقینەکان بناسرێن و کێشەکانیان چارەسەر بکرێت". 

وه‌زیرى ناوخۆى ئێران ئاماژه‌ى بۆ ئه‌وه‌شكردوه‌، هه‌ندێك لە بڕگه‌كانى كارنامه‌ى ڕێکخستنی ئاڵوگۆڕی کەلوپەلەکان لە بازاڕچە سنوورییەکان پێداچوونەوەی بۆ کراوه‌.



  • ڕۆژ
  • هەفتە
  • مانگ
created by Avesta Group and powered by Microsoft Azure