"پێشبینى ده‌كرێت ئه‌مڕۆ پله‌كانى گه‌رما له‌ قه‌زایه‌كى هه‌رێم بگه‌نه‌ ژێر سفر"

هەواڵ / کوردستان :: 16/04/2018‌ :: 963‌ جار بینراوە

دواڕۆژ، رێبین حەسەن
بارانبارینی زۆر و بەردەوامی سنووری قەزای پێنجوێن، مەترسی لەسەر بەرهەمی چێندراوی ئەمساڵی جوتیارانی ناوچەكە دروستكردووە، لێپرسراوى كه‌شناسى ئه‌و قه‌زایه‌ش ده‌ڵێت "پێشبینى ده‌كه‌ین پله‌كانى گه‌رما بۆ ژێر سفر داببه‌زن".


بەهادین حەسەن، لێپرسراوی بەشی كەشناسی له‌ به‌ڕێوه‌به‌رایه‌تى كشتوكاڵى پێنجوێن، بەدواڕۆژی راگەیاند "ماوەی چەند رۆژێكە شەپۆلێكی بارانبارینی بەهارە سنوورەكەمانى گرتووه‌تەوە، بەو هۆیەشەوە رێژەی بارانبارینى ئەمساڵی زۆر زیادیكردووه‌".

وتیشی "تا ئەمڕۆ دووشەممە 16ى نیسان،  زیاتر لە 950 ملم بارانباریوە كە ئەوەش رێژەیەكی زۆرە بە بەراورد بەساڵی رابردوو، چونكه‌ ساڵى پار له‌م كاته‌ى ئێستادا ته‌نیا 850 ملم بارانباریووه‌".

لێپرسراوی بەشی كەشناسی له‌ به‌ڕێوه‌به‌رایه‌تى كشتوكاڵى پێنجوێن روونیشیكردەوە، پێنجوێن ناوچەیەكی بەپیت و لەبارە بۆ زۆربەی بەرهەمە كشتوكاڵیەكان لەوەرزە جیاوازەكانی ساڵ، بۆیە لەئێستاشدا ژمارەیەكی زۆر لەجوتیاران سەرقاڵی كاركردنن لەزەویەكانیاندا، بەڵام بەهۆی ئەوەی پێشبینیدەكرێت لە ئەمڕۆوە پلەكانی گەرما بۆ ژێر سفری سەدی دابەزێت ئەگەری زۆرە زیانی بەكشتوكاڵی به‌ به‌رهه‌مه‌كانى ناوچه‌كه‌ بگات.

ناوبراو ئاشكراشیكرد، زیانى ئه‌م جۆره‌ كه‌شوهه‌وایه‌ بۆ دارودرەختەكان و ئەو شەتڵانەیە كە سەریان بە نایلۆن دانەپۆشراوە، چونكه‌ ئه‌گه‌ر هه‌یه‌ سەرماكە و بارانەكەش ببێتە هۆی لەناوبردنیان، به‌مه‌ش زیان به‌ جوتیاران ده‌گات. له‌به‌ر ئه‌وه‌ داوا له‌ جوتیارانده‌كه‌ین نایلۆنى پێدابده‌ن.

 



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە