سوپای عێراق شوانێکی کورد دەکوژێت

هەواڵ / کوردستان :: 01/04/2018‌ :: 974‌ جار بینراوە

دواڕۆژ، عیماد جەباری
لەئۆپراسیۆنەکەی دوێنێی هێزە عێراقییەکان بۆ ناوچەکانی دوروبەری خورماتوو، شوانێکی کورد شەهید بووە و ژمارەیەک گوندنشینیش دەستگیرکراون.


محەمەد چەوری، فەرماندەی پێشمەرگە لەسنوری کفری ئەمڕۆ یەکشەممە 1ی نیسان بە دواڕۆژی وت "هێزە عیراقییەکان چوونەتە سەر گوندێکی عەرەبنشین لەباشوری خورماتوو، هاووڵاتییەکی کوردی بەتەمەنیان شەهید کردووە کە وەکو شوان لەگوندەکە بووە و ژمارەیەک گوندنشینیشیان دەستگیرکردووە".

وتیشی "ئۆپراسیۆنەکەی عێراق کە حەشدی شەعبی و سوپا تێیدا بەشداربوون، هیچ ئەنجامێکی نەبووە، بەڵکو بەهۆی تەقینەوەی دوو بۆمب بەهێزەکەیاندا 3 کەسیان کوژراون و 22ی دیکەشیان برینداربوون".



created by Avesta Group and powered by Microsoft Azure