راگه‌یه‌ندراوێك لە سەندیكای پزیشكانی كوردستانەوە

هەواڵ / کوردستان :: 27/03/2018‌ :: 1524‌ جار بینراوە

دواڕۆژ

ئەمشەو سێشەممە 27ی ئازار، سەندیکای پزیشکانی کوردستان راگەیەندراوێکییان لەبارەی هەنگاوەکانی حکومەتی هەرێمەوە بۆ چاککردنی مووچەی فەرمانبەران بڵاوکردەوەو تیایدا گەشبینی خۆیان بەچارەسەرکردنی کێشەکان دەخەنەڕوو.

لە راگەیەندراوەکەدا هاتووە "بە ھەموووو لایەكی رادەگەیەنین كە خۆشبەختانە ئەنجومەنی وەزیران  بە شێوەیەكی راستەوخۆ ھاتە سەر خەت و بەڵێنی پێداچونەوە بە مووچەی پزیشكان و فەرمانبەرانی وەزارەتی تەندرووستییان پێداین كە لە چەند ڕۆژی داهاتوودا پێداچوونەوە بە مووچەكاندا دەكرێت".

 

دەقی راگەیەندراوەکە:

دوا بەدوای بەیاننامەی پشتگیری سەندیكا لە مافە رەواكانی پزیشكانی ماندوونەناسی كوردستان و ئاڕاستەكردنی داواكانی پزیشكان و چاككردنەوەی موچە و مافەداراییەكانیان بۆ ئەنجومەنی وەزیران و وەزارەتی تەندرووستی، بە ھەموووو لایەكی رادەگەیەنین كە خۆشبەختانە ئەنجومەنی وەزیران  بە شێوەیەكی راستەوخۆ ھاتە سەر خەت و بەڵێنی پێداچونەوە بە موچەی پزیشكان و فەرمانبەرانی وەزارەتی تەندرووستییان پێداین كە لە چەند ڕۆژی داهاتوودا چاوپێخشاندنەوە بە مووچەكاندا دەكرێت.

بۆیە لە سۆنگەی ھەست كردن بە بەرپرسیارێتی و مامەڵە كردن وەك دامەزراوەیەكی یاسایی لە ھەرێمی كوردستان ، پزیشكانی خۆشەویست دڵنیا دەكەینەوە كە ماندوو بون و ھەڵوێستیان بۆ داواكردنی سادەترین مافی خۆیان و پابەند بوونی زۆربەیان بە بەیاننامەی سەندیكاوە جێگای خۆی گرت و بەگوێرەی وەڵامی حكومەت بەشێكی زۆری كێشەی مووچەكانمان چارەسەر دەكرێن.بۆیە وەكو سەندیكا بەوپەڕی دڵسۆزییەوە چاودێری ئەو ھەوڵانە دەكەین و بە ھەنگاوێكی ئیجابی دادەنێن و  سەندیکاش بەردەوام لایەنی داکۆکیکار و پشتگیریکردن دەبێت لە مافەکانی پزیشکان.

هیوادارین هەروەکو رابردوو سەلامەتی گیانی نەخۆش کاری لە پێشینەی هەموان بێت.

 سەندیكای پزیشكانی كوردستان



created by Avesta Group and powered by Microsoft Azure