"مەترسییەکی نەکردنەوەی گەشتەکانی تورکیا بۆ سلێمانی ئاشکرادەکرێت"

هەواڵ / ئابوری :: 25/03/2018‌ :: 981‌ جار بینراوە

دواڕۆژ، هانا چۆمانی
پەرلەمانتارێکی پارتی رایدەگەیەنێت "نەکردنەوەی ئاسمانی تورکیا بە ڕووی شاری سلێمانی و جیاکردنەوەی لە شاری هەولێر، هەوڵێکی دیکەی دوژمنانی کوردستانە بۆ قوڵکردنەوەی زیاتری ناتەبایی، لەنێوان کوردانی باشور و دەبێت رێگری لەو هەوڵەبکرێت".


فرسەت سۆفی، ئەندامی پەرلەمانی کوردستان لە فراکسیۆنی پارتی بەدواڕۆژی راگەیاند "بریاری حکومەتی تورکیا بۆ نەکردنەوەی ئاسمانی تورکیا بە ڕووی شاری سلێمانی و جیاکردنەوەی لە شاری هەولێر هەوڵێکی دیکەی دوژمنانی کوردستانە بۆ قوڵکردنەوەی زیاتری ناتەبایی، نابێت قبوڵبکرێت".
 
وتیشی "هەروەک چۆن عبادی لەگەڵ ناردنی بڕێک پارە ناسەقامگیری و بایکۆتی بۆ ناردین و ئێرانیش پێشتر نەهامەتی و کارەسات، ئەوەش هەمان پیلانە و بۆ لێدانە لە کوردانی باشور و لێکدابراندنی هەر دوو شاری خۆشەویستی  هەولێر و سلێمانیە".

رونیشیکردەوە "نابێت چیتر بکەوینە داوی پیلانی نەیارەکانمان و خەونی دابەشکردنی کوردستان و ناسەقامگیری هەرێمەکەمان لە گۆڕ بنێین و پیلانەکە شکست پێبهێنین".

رۆژی هەینی ۲۳ ئازاری ۲٠۱۸ حکومەتی تورکیا رایگەیاند ئاسمانی وڵاتەکەی بۆ گەشتی نێودەوڵەتی لە فڕۆکەخانەی هەولێر دەکاتەوە بەڵام بۆ فڕۆکەخانەی سلێمانی نا چونکە سلێمانی پشتگیری تیرۆر دەکات.



created by Avesta Group and powered by Microsoft Azure