لەنزیک خورماتوو ژمارەیەک گەشتیار کەوتنە بۆسەی چەکدارانی داعشەوە

هەواڵ / کوردستان :: 21/03/2018‌ :: 1028‌ جار بینراوە

دواڕۆژ، عیماد جەباری
شەوی رابردوو 20ی ئازاری 2018 ژمارەیەک گەشتیار لەکاتی گەڕانەوەیان لەسلێمانییەوە لەسەر رێگەی کەرکوک - بەغدا کەوتنە بۆسەی داعشەوە و چەند کەسێکیش بوونە قوربانی.


جەودەت عەسافی، وتەبێژی میحوەری باکوری حەشدی شەعبی بەدواڕۆژی وت "پاسێکی گەشتیاریی لەجۆری کۆستەر لەکاتی گەڕانەوەی لەکوردستانەوە بۆ بەغدا لەنزیک خورماتوو کەوتە بۆسەی چەکدارانی ئاڵا سپییەکانەوە کە پاشماوەکانی داعشن".

وتیشی "شەش کەس لەسەرنشینانی ئۆتۆمبێلەکە شەهیدکراون و 15 گەشتیاری دیکەش بریندارن و گەیەنراونەتە نەخۆشخانە".

ئاماژەی بۆ ئەوەکرد کە هێزەکانی حەشدی شەعبی لەکاردانەوەی ئەو رووداوەدا لەڕێگەی تۆپخانەوە دەستیان کردوە بە تۆپبارانکردنی مۆڵگەی گروپە تیرۆرستییەکانی پشت زنجیرە چیاکانی خورماتوو.



created by Avesta Group and powered by Microsoft Azure