فەرماندەی پۆلیسی کەرکوک لەسەر دەستلەکارکێشانەوەی لەپۆستەکەی رونکردنەوەدەدات

هەواڵ / کوردستان :: 15/03/2018‌ :: 885‌ جار بینراوە

دواڕۆژ، عیماد جەباری
فەرماندەی پۆلیسی کەرکوک دەستلەکارکێشانەوەی لەپۆستەکەی رەتدەکاتەوە و بەپڕوپاگەندەی ناودەبات.


عەمید خەتاب عومەر، فەرماندەی پۆلیسی کەرکوک ئەمڕۆ پێنجشەممە 15ی ئازار لەمیانی کۆنگرەیەکی رۆژنامەوانیدا رایگەیاند، ئەو هەواڵانەی باس لەدەستلەکارکیشانەوەی دەکەن دورە لەراستییەوە و هیچ بابەتێکی لەو شێوەیە لەئارادانییە.

وتیشی "عەقید ئەفراسیاو کامیل وتەبێژی پۆلیسی کەرکوک لەلایەن دژەتیرۆری عێراقەوە دەستگیرنەکراوە وەکو ئەوەی بڵاوکراوەتەوە بەڵکو بانگهێشتکراوە بۆ لێکۆڵینەوە لەسەر بابەتێک و ئەوەش کارێکی ئاساییە".

شەوی رابردوو بەتۆمەتی بەشداریکردن لە دانانی پەیکەری مام جەلال بەبێ وەرگرتنی مۆڵەتی رەسمی لەلایەن دژەتیرۆری عێراقەوە وتەبێژی پۆلیسی کەرکوک دەستبەسەرکرا.



created by Avesta Group and powered by Microsoft Azure