ئەنجامی ئۆپراسیۆنەکەی باشوری کەرکوک راگەیەنرا

هەواڵ / کوردستان :: 12/03/2018‌ :: 473‌ جار بینراوە

دواڕۆژ، عیماد جەباری
هێزە سەربازییەکانی عێراق ئەنجامی ئۆپراسیۆنەکەی باشوری کەرکوک ئاشکرا دەکات کە لەدوێنێ یەکشەممەوە لەسەر زانیاری هەواڵگری دەستیپێکردوە.


جەودەت عەسافی، وتەبێژی میحوەری باکوری حەشدی شەعبی ئەمڕۆ دووشەممە 12ی ئازار بە دواڕۆژی وت "ئۆپراسیۆنەکە بۆ کێوماڵکردنی گوندەکانی ناحیەی ریاز و هەردوو کۆمەڵگەی شەهید و سەدام بووە لەسنوری قەزای حەویجە و بەسەرکەوتووییش ئەنجامدراوە".

وتیشی "لەئۆپراسیۆنەکەدا شەش چەکداری داعش کوژران و نۆ تونێلی گەورەش لەلایەن هێزە سەربازییەکانەوە خاپورکران کە ژمارەیەک لەچەکدارانی داعش تێیدا خۆیان حەشاردابوو".

ئەو بەرپرسەی حەشد ئاماژەی بۆ ئەوەشکرد کە توانیویانە 13 بۆمبی چێنراو پوچەڵبکەنەوە و دەستیش بگرن بەسەر دوو ئۆتۆمبێلدا کە یەکێکیان بۆمبڕێژکراو بووە.



created by Avesta Group and powered by Microsoft Azure