زانکۆی کەرکوک رێگری لەهەموو جۆرە ئاهەنگێک و پۆشینی جلی نەتەوەیی دەکات

هەواڵ / کوردستان :: 08/03/2018‌ :: 272‌ جار بینراوە

دواڕۆژ، عیماد جەباری
سەرۆکایەتی زانکۆی کەرکوک هەموو جۆرە ئاهەنگێک و پۆشینی جلوبەرگی نەتەوەیی قەدەغەکرد.

لەنوسراوێکدا کە واژۆی عەباس تەقی، سەرۆکی زانکۆی کەرکوکی لەسەرە و ئاڕاستەی سەرجەم کۆلێژەکان کراوە، هەموو جۆرە ئاهەنگگێڕانێک و پۆشینی جلوبەرگی نەتەوەیی قەدەغەکردوە.

هەر لەو نوسراوەدا بردنە ژورەوەی ئامێری "دی جەی" و ئاهەنگی ناو کافتریاکانی زانکۆشی قەدەغەکردوە لەژێر هەر ناونیشانێکدابێت.

سەرۆکی زانکۆی کەرکوک هۆکاری بڕیارەکەشی بۆ بەرژەوەندی گشتی و رێگریکردن لەبۆشایی ئەمنی گەڕاندوەتەوە.

ئەم بڕیارە هاوکاتە لەگەڵ ئەوەی کە پیکهاتەی کورد خۆی بۆ بۆنەکانی نەورۆز و راپەڕین ئامادەکردوە و ساڵانەش بەو بۆنەیەوە لەنێو زانکۆ رێوڕەسمی جیاواز رێکدەخرا.



created by Avesta Group and powered by Microsoft Azure