وەزیری پەروەردە بڕیاری گەڕانەوەی 295 مامۆستا و فەرمانبەری عەرەب دەردەکات

هەواڵ / کوردستان :: 08/03/2018‌ :: 412‌ جار بینراوە

تاگ :: پەروەردە

دواڕۆژ، كۆچه‌ر عه‌لی 
وەزیری پەروەردەی حكومه‌تی هه‌رێمی کوردستان رەزامەندی نیشاندا بەگەڕانەوە و دەستبەکاربوونەوەی 295 مامۆستا و فەرمانبەری عه‌ره‌ب بەسەر ناوەندەکانی خوێندن لە سنوری پەروەردەی قەزای مەخمور.


عه‌باس محه‌مه‌د، بەڕێوەبەڕی پەروەردەی مەخمور به‌ دواڕۆژی وت "وەزیری پەروەردە رەزامەندی نیشانداوه‌ بەگەڕانەوە و دەستبەکاربوونەوەی مامۆستا عەرەبەکان کە ژمارەیان 295 مامۆستا و فەرمانبەرە، بەسەر ناوەندەکانی خوێندن لەسنوری پەروەردەی مەخمور".

وتیشی "ئه‌و مامۆستایانه‌ له‌ لایه‌ن ده‌زگا ئه‌منییه‌كانه‌وه پشتیوانی کراون و هیچ كێشه‌یه‌كی ئه‌منی و تیرۆریان نه‌بووه‌، بۆیه‌ ئێمه‌ش پێمانباشبووه‌ بێنه‌وه‌ شوێنه‌كانی خۆیان و ده‌وام بكه‌نه‌وه‌". 

بەڕێوەبەری پەروەردەی مەخمور ئاماژه‌ی به‌وه‌شكرد، گه‌ڕانه‌وه‌ی ئه‌و مامۆستایانه‌ له‌ دوای ساڵی 2014وە کاتێک گونده‌كانیان كه‌وتووەتە ژێر كۆنتڕوڵی داعشەوەو لە ژێر دەسڵاتی ئەوەندا ماونەتەوە، به‌ڵام لەلایەن دەزگا ئەمنییەکانەوە پشتیوانیان لێکراوەو بەکاری تیرۆریستییەوە تێوەنەگلاون.



  • ڕۆژ
  • هەفتە
  • مانگ
created by Avesta Group and powered by Microsoft Azure