هاتوچۆی نێوان کەرکوک-سلێمانی ئاسایی بوەتەوە

هەواڵ / کوردستانی :: 24/02/2018‌ :: 507‌ جار بینراوە

دوارۆژ، عیماد جەباری
دوای ئەوەی بەیانی ئەمڕۆ شەممە 24ی شوباتی 2018 رێگری دەکرا لە رۆیشتنی خێزانە کەرکوکییەکان بۆ سلێمانی، لەئێستادا هاتوچۆ ئاسایی بوەتەوە.


ئەفسەرێکی پۆلیسی کەرکوک لەبازگەی چیمەن، کە نەیویست ناوی ئاشکرابکرێت، بەدواڕۆژی وت، لەئێستادا هیچ رێوشوێنێک بەرامبەر هاووڵاتیان ناگیرێتەبەر و هاتوچۆی کەرکوک-سلێمانیش ئاساییبوەتەوە.

وتیشی "بەیانی ئەمڕۆ بۆ ماوەی چەند کاتژمێرێک هێزەکانی دژەتیرۆر رێگرییان دەکرد لەچونی خێزان لەکەرکوکەوە بۆ سلێمانی ئەوەش بەمەبەستی رێگریکردن لەکۆچی خەڵکی شارەکە کە بەهۆی پڕوپاگەندەکانی شەوی رابردوەوە شارەکەیان بەجێدەهێشت".

ئەو ئەفسەرە ئاماژەی بۆ ئەوەشکرد، رێگرییەکە تەنها لەو خێزانانە کراوە کە فۆڕمیان کەرکوک بووە.

دواڕۆژ بۆ زانیاری زیاتر پەیوەندیکرد بەوتەبێژی پۆلیسی کەرکوکەوە، بەڵام پەیوەندییەکان بەردەست نەبوون.



created by Avesta Group and powered by Microsoft Azure