برای پەرلەمانتارە کوردەکەی کەرکوک لەدەستی رفێنەرەکان هەڵات

هەواڵ / کوردستان :: 20/02/2018‌ :: 942‌ جار بینراوە

دواڕۆژ، عیماد جەباری
نیوەڕۆی ئەمڕۆ سێشەممە 20ی شوبات دوای ئەوەی هاووڵاتییەکی کورد لەشاری کەرکوک رفینرا، پۆلیسی کەرکوک رایگەیاند "ئەو هاووڵاتییە توانیویەتی لەدەستی رفێنراوەکان هەڵبێت".


ئەفراسیاو کامیل، وتەبێژی پۆلیسی کەرکوک بەدواڕۆژی وت "ئەو هاووڵاتییە کوردەی هەوڵی رفاندنی درا لەشەقامی قودسی گەڕەکی رێگەی بەغدا توانیوێتی لەدەستی رفێنراوەکان هەڵبێت".

وتیشی "ئەو کەسانەی هەوڵی رفاندنیان داوە کەسانی نەناسراوی چەکداربوون و ئۆتۆمبێلەکانیان دەستنیشانکراوە و دراوەتە هێزە ئەمنییەکان تاوەکو دەستگیربکرێن".

وتەبێژەکەی پۆلیس ئاماژەی بۆ ئەوەکرد کە ئەو هاووڵاتییەی هەوڵی رفاندنی دراوە ناوی محەمەدە و برای ئەمیرە کەریم پەرلەمانتاری پارتی دیموکراتی کوردستانە لەبەغدا.

دواڕۆژ پێشتر لەگەڵ ساتی یەکەمی رفاندنیدا هەواڵەکەی لەزاری سەرچاوەیەکی باڵای پۆلیسی ئامادە بڵاوکردەوە.



created by Avesta Group and powered by Microsoft Azure