نێزیكى 30% كارگه‌هێن دهۆك ژ كاركه‌ڤتینه‌

هەواڵ / ئابوری :: 18/02/2018‌ :: 126‌ جار بینراوە

دواڕۆژ، دهۆك
رێڤه‌به‌را گه‌شه‌پێدانا پیشه‌سازى ل پارێزگه‌ها دهۆك راگه‌هاند، ژ به‌ر قه‌یرانا دارایى نێزیكى 30% كارگه‌هێن دهۆك ژ كاركه‌ڤتینه‌.

نازدار عه‌بدولقادر حسێن، رێڤه‌به‌را گه‌شه‌پێدانا پیشه‌سازى بۆ دواڕۆژ گۆت" 400 كارگه‌هـ ل سنورێ پارێزگه‌ها دهۆك هه‌نه‌ كو پتریا وان یێن ئاڤه‌دانكرنێ نه‌، لێ رێژا ئاڤه‌دانكرنێ ژ به‌ر قه‌یرانا دارایى ل دهۆك كێمبوویه‌، له‌ورا ئه‌و كارگه‌هـ نه‌شیان به‌رده‌وامیێ بده‌ن كارێن خوه‌".

ناڤبۆریێ خوه‌یاكر "80% ژ وان كارگه‌هێن هاتینه‌ گرتن یێن ئاڤه‌دانكرنێ بوون، چنكو پارێ پێدڤى نه‌بوو ئامیره‌یێن خوه‌ بگۆهه‌ڕن و ركابه‌ریا كارگه‌هێن سه‌رده‌م بكه‌ن و مادده‌یێن باشتر بینه‌ د بازارى دا".

لدۆر چاره‌نڤیسێ كارگه‌هێن مه‌زنێن دهۆك یێن به‌رى سالا 1991-ێ هاتینه‌ دانان، وه‌ك كارگه‌ها قۆتۆكرنێ ل مالتایێ، دازانین"ئه‌و كارگه‌هـ ب ئێكجارى نه‌ماینه‌ و چو كار تێدا ناهێنه‌ كرن، بتایبه‌ت كارگه‌ها قۆتۆكرنێ".



created by Avesta Group and powered by Microsoft Azure