دواڕۆژ كوشتی و بریندارێن تركیا ل زاخۆ ئاشكه‌را دكه‌ت

هەواڵ / کوردستان :: 14/02/2018‌ :: 328‌ جار بینراوە

دواڕۆژ، دهۆك
هێرشا چه‌كدارێن پارتیا كاركه‌رێن كوردستانێ په‌كه‌كێ ل سپێده‌یا دوهی سێشه‌مبی 13-ێ شوباتێ بۆ سه‌ر بنگه‌هه‌كێ له‌شكه‌رێن تركیا ل زاخۆ، بوویه‌ ئه‌گه‌رێ كوشتن و برینداربوونا 10 له‌شكه‌رێن تركیا.


ل ده‌مێ هێرشێ و تا ئه‌ڤرۆ، هێزێن تركیا رێ نه‌دابوو‌، چو ده‌زگه‌هێن راگه‌هاندنێ ئه‌نجامێن وێ هێرشێ بزانن، لێ ژێده‌ره‌كێ هایدار كو دگه‌ل وان هێزان كاردكه‌ت بۆ دواڕۆژ گۆت"٣ سه‌ربازێن تركیا هاتبوونه‌ كوشتن و 7 ژی برینداربوون و 3 بریندارێن مه‌ترسیدار ب 3 ئه‌مبۆلانسان بله‌ز بۆ تركیا هاتبوونه‌ ڤه‌گۆهاستن".

وی ژێده‌ری خوه‌یاكر" د وێ هێرشێدا تانكه‌ك و زریپۆشه‌ك و 3 هولێن نڤستنێ یێن له‌شكه‌رێ تركیا هاتبوونه‌ سۆتن و ژناڤبرن".

ل گۆره‌ی هه‌مان ژێده‌ر"په‌كه‌كێ ژ 3 ئالیانڤه‌ هێرش كربوو سه‌ر بنگه‌هێ گرێبیێ كو وی ده‌می نێزیكی 200 له‌شكه‌رێن تركیا د وی بنگه‌هیدا بوون".



  • ڕۆژ
  • هەفتە
  • مانگ
created by Avesta Group and powered by Microsoft Azure