تمەن هاڕەی کرد

هەواڵ / ئابوری :: 13/02/2018‌ :: 10729‌ جار بینراوە

دوڕۆژ، زریان محەمەد
لە ئێستادا تمەنی ئێرانی لەبازاڕەکاندا بەرامبەر بە دۆلار بەردەوام روو لە دابەزینە و ئەمڕۆش مێژویەکی تری لە دابەزینی نرخەکەی تۆمارکرد.


حەمید عەبدوڵا، ئەندامی ئەنجومەنی ژووری بازرگانی و پیشەسازی سلێمانی لە بازاڕی ئاڵوگۆڕی دراوی سلێمانی بەدواڕۆژی ڕاگەیاند، ئەمڕۆ سێشەممە نرخی تمەنی ئێرانی مێژویەکی تری تۆمارکرد لە دابەزینی بەرامبەر بە دۆلار.

ڕاشیگەیاند، لەئێستادا  ھەر ١٠٠ دۆلاری ئەمریکی بەرامبەرە بە ٤٩٦ ھەزار تمەنی ئێرانیبەو بەراورد بە دوێنێ دووشەممە ٢٨ ھەزار تمەن شکاوە کە ئەمجۆرە شکانەش لەبازاڕاکاندا زۆر خێرایەو جێگەی باوەڕ نییە".

هاوکات ژیر خەسرەو، لەبازاڕی دۆلارەکە بە دواڕۆژی ڕاگەیاند "دابەزینی تمەن بەمشێوەیە زیانی زۆری بەکاری بازرگانی و بازرگانان گەیاندووە، لەبازاڕاکانیشدا مامەڵەکردن پێوەی خاوبۆتەوە و کەس ناوێرێت کاری لەسەربکات و ئاڵوگۆڕی کەمبووەتەوە".

دەڵێت "ھۆکاری دابەزینی بەهای تمەن لەبازاڕەکاندا، ئەوەندەی ئاگادارین بانکەکانی ئێران خۆیان ڕۆژانە دۆلار دەکڕن و کەمتر دۆلار دەخەنە بازاڕەوە، ئەوەش وایکردووە قورسایی تمەن لەبازاڕەکاندا نەمێنێت".



created by Avesta Group and powered by Microsoft Azure