داخوازا هاریكاریێ بۆ 100 زارۆیێن په‌نجه‌شێرا خوینێ دهێته‌كرن

هەواڵ / کوردستان :: 11/02/2018‌ :: 148‌ جار بینراوە

دواڕۆژ، بورهان یه‌حیا
رێڤەبەرییا گشتییا ساخلەمییا پارێزگەھا دھۆک راگه‌هاند؛ هه‌تا نوكه‌ ل سنۆرێ پارێزگه‌هێ 100 زارۆ تووشی نەخۆشییا پەنچەشێرا خوینێ بووینە و داخواز ژ سەرمایه‌دار، کۆمپانی و خێرخوازن دکەین پشتەڤانیا زارۆیێن نەخۆش بکەن.

حه‌مزه‌ ره‌زیكی به‌رپرسێ راگه‌هاندنا ساخلەمییا پارێزگەھا دھۆک بۆ دواڕۆژ رۆهنكر "ھەموو سازیێن ساخله‌میێ یێن ھاتینە بەرفرەھکرن بۆ چارەسەریا نەخۆشان و بەردەوام کار دکەن دەرمانان پەیدا بکەن ب تایبەتی بۆ چارەسەرییا پەنچەشێری بەری بنیاتێ نەخۆشخانەکێ ژی یێ ھاتیە دانان بۆ باشترکرنا خزمەتێن ساخله‌میێ بۆ نەخۆشێن پەنچەشێری".

دیاركر"ژبەر قەیرانا دارایی ئەو پرۆژه‌یێ ستراتیژی یا نه‌خۆشێن په‌نجه‌شێرێ ھاتییە راوەستاندن، بتنێ قۆناغەک ژ پرۆژه‌یی ھاتییە بجهئینان، ھەر دەمێ قەیران ب دووماھی ھات ئەو نەخۆشخانه‌ دێ ھێتە تەمامکرن و دێ ھەموو جۆرێن چارەسەری و خزمەتێن ساخلەمیێ پێشکیشی کەت".

زێده‌تر هاتییه‌ "ل سالا بۆری ل سنۆرێ پارێزگه‌ها دهۆك 954 كه‌س تووشی نه‌خۆشییا په‌نجه‌شێرێ بووینه‌ كو 455 زه‌لام و 499 ژن بووینه‌".



  • ڕۆژ
  • هەفتە
  • مانگ
created by Avesta Group and powered by Microsoft Azure