حه‌جی رێكانی: گۆران بۆ بده‌ستڤه‌ئینانا كورسییه‌كا جڤاتا نوونه‌رێن ئیراقێ ئاماده‌یه‌

هەواڵ / عێراق :: 09/02/2018‌ :: 569‌ جار بینراوە

دواڕۆژ، دهۆك
ئه‌ندامه‌كێ جڤاتا گۆران ل دهۆك راگه‌هاند، به‌ربژێر و ئه‌ندامێن گۆران بۆ هه‌موو هه‌لبژاردنان ‌و بده‌ستڤه‌ئینانا كورسییه‌كا جڤاتا نوونه‌رێن ئیراقێ ئاماده‌یه‌.

لدۆر دیاركرنا به‌ربژێرێن ته‌ڤگه‌را گۆران بۆ جڤاتا نوونه‌رێن ئیراقێ، حه‌جی رێكانی، ئه‌ندامێ جڤاتا ته‌ڤگه‌را گۆران بۆ دواڕۆژ گۆت :"گۆران ژماره‌كا میكانیزمان و مه‌رجان هه‌نه‌، شیانێن به‌ربژێرێن گۆران ژئالیێ لیژنه‌كا تایبه‌ت ژ كه‌سێن شاره‌زا و بسپۆر دێ هێنه‌ هه‌لسه‌نگاندن و تاقیكرن و پاشی جڤاتا گۆران دێ بڕیارده‌ت ئه‌و به‌ربژێر باشه‌ یان نه‌".

رێكانی مه‌رجێ ‌سه‌ره‌كی بۆ خوه‌ به‌ربژێركرنا ئه‌ندامێن گۆران دازانین، كو پێدڤییه‌ به‌ر‌بژێری باوه‌ریه‌كا بهز ب به‌رنامێ ته‌ڤگه‌را گۆران و پرۆژێن چاكسازیێ هه‌بیت، ده‌ستپاك و خودان به‌گره‌وه‌نده‌كێ باش بیت و لسه‌ر خزمه‌تكرنێ خۆ ته‌رخان بكه‌ت بۆ خزمه‌تا هه‌رێما كوردستانێ.

دهه‌لبژاردنێن ده‌ربازبوویدا بۆ جڤاتا نوونه‌رێن ئیراقێ،  ژ 11 كورسیكێن باژارێ دهۆك، ته‌ڤگه‌را گۆران نه‌شیابوو چو كورسیكان بده‌ستڤه‌ بینیت.



created by Avesta Group and powered by Microsoft Azure