تركه‌ك دێ بیته هه‌ڤسه‌رۆكێ هه‌ده‌پێ
هەواڵ / کوردستان :: 09/02/2018 :: 209 جار بینراوە
دواڕۆژ، نه‌زیر عه‌لى
پارتیا دیموكراتا گه‌لان هه‌ده‌پێ ل تركیا، ئه‌ندامه‌كێ خوه یێ ترك، وه‌ك شوونگرێ سه‌لاحه‌ددین ده‌میرتاش ده‌سنیشانكریه.
عابد ئیكه، نوونه‌رێ هه‌ده‌پێ ل هه‌ولێر بۆ دواڕۆژ گۆت :"كۆمسیۆنا رێككه‌ڤتنا دیاركرنا به‌ربژێرێن هه‌ده‌پێ، بڕیاردایه سه‌زای ته‌مه‌للى و په‌روین بۆلدان بۆ هه‌ڤسه‌رۆكێن نوو بهێنه هه‌لبژاردن".
ناڤبۆرى خوه‌یاكر "به‌ربژێركرنا سه‌زای ته‌مه‌للى و په‌روین بۆلدان بۆ هه‌ڤسه‌رۆكایه‌تیێ ناهێته وێ واته‌یێ كو هه‌لبژاردنا هه‌ڤسه‌رۆكان ب دوماهیك هاتیه، ره‌نگه تا رۆژا كۆنگره‌ى كه‌سه‌ك یان چه‌ند كه‌سێن دى ژى خوه بۆ هه‌ڤسه‌رۆكایه‌تیێ هه‌لبژێرن".
عابد ئێكه، راگه‌هاندژى "دكۆنگره‌یێ سیێ دا هه‌ده‌په دێ ته‌كه‌زێ لسه‌ر رووب رووبوونا فاشیزما تركیا بیت كو پتریا ئه‌ندام و په‌رله‌مانتارێن هه‌ده‌پێ خستینه زیندانان".
هه‌ڤسه‌رۆكێ نوویێ هه‌ده‌پێ سه‌زاى ته‌مه‌للى، تركه و ل باژارێ ئیسته‌نبۆل ل سالا 2015-ێ بۆ هه‌لبژاردنێن په‌رله‌مانى لسه‌ر لیستا پارتیا دیموكراتا گه‌لان ب بوو ئه‌ندامێ په‌رله‌مانێ تركیا.
بڕیاره 11-ێ ڤێ مه‌هێ، ل ئه‌نقه‌ره پایته‌ختێ تركیا، پارتیا دیموكراتا گه‌لان، ب ئاماده‌بوونا 600 ئه‌ندامێن خووه، كۆنگره‌یێ سیێ ئه‌نجامبده‌ت و هه‌ڤسه‌رۆكێن نوو یێن پارتیا خوه هه‌لبژێرن كو هه‌موو پارتیێن باشورێ كوردستانێ ڤه‌خواندینه كۆنگره‌ى.