دەنگۆی دەستگیرکردنی بەڕێوەبەری گەنجینەکانی سلێمانی رەتدەکرێتەوە

هەواڵ / کوردستان :: 07/02/2018‌ :: 2060‌ جار بینراوە

تاگ :: سلێمانى

دواڕۆژ، هۆگر کەمال
ماوەی چەند رۆژێکە دەنگۆی دەرچوونی فەرمانی دەستگیرکردنی بەڕێوەبەری گەنجینەکانی سلێمانی دەرچووە بەهۆی ئەوەی دەوامی بە کارمەندانی پێشووی رێکخراوەکان نەکردوە لەکاتێکدا مووچەش وەردەگرن، بەڕیوەبەری گەنجینەی دووی سلێمانیش دەنگۆکە رەتدەکاتەوە.


ئەردەڵان محەمەد، بەڕێوەبەری گەنجینەی دووی سلێمانی، بە دواڕۆژی راگەیاند، هەواڵی دەرچوونی فەرمانی دەستگیرکردنم دوورە لەڕاستییەوە و ئێستاش لەفەرمانگەکەی خۆم دەوام دەکەم.

بەڕێوەبەری گەنجینەی دووی سلێمانی وتیشی "کاتی خۆی کە فەرمانگەی رێکخراوەکان هەڵوەشایەوە ئەو کارمەندانە دابەشکران بەسەر 13 گەنجینە لەسەرتاسەری کوردستاندا، گەنجینەکەی ئێمە 700 کەسی بەرکەوتووە".

ئەوەشی وت "چارەسەری کێشەی ئەو فەرمانبەرانەی کە مامەڵەکانیان راگیراوە دەبێت وەزارەتی دارایی چارەسەری بکات".

پێشتر لەڕوونکردنەوەیەکدا بەختیار شاوەیس و ئەحمەد حاجی رەشید رایانگەیاند کە لیژنەی وردبینییەکەی بەغدا مووچەی کەس نابڕێت بەڵکو بە پلەکانیاندا دەچێتەوە.

لەدوای هەڵوەشانەوەی فەرمانگەی رێکخراوەکان لەلایەن وەزارەتی داراییەوە، بەشێک لە فەرمانبەرانی ئەو فەرمانگەیە کە دەوامیان بۆ دەزگا حزبییەکان دەکرد، گواسترانەوە بۆ فەرمانگەکانی دیکەی حکومەت. 

بەڵام دواتر بەبڕیاری نێچیرڤان بارزانی، سەرۆکی حکومەتی هەرێم، مامەڵەی گواستنەوەی ئەو فەرمانبەرانەی مابوون بگوێزرێنەوە وەستا و ئێستا لە گەنجینەکان تەنیا مووچەی بنەڕەتی وەردەگرن بەبێ ئەوەی دەوام بکەن.



  • ڕۆژ
  • هەفتە
  • مانگ
created by Avesta Group and powered by Microsoft Azure