پارتى به‌ربژێرێن خوه‌ بۆ هه‌لبژاردنان ده‌ستنیشانكرن

هەواڵ / کوردستان :: 07/02/2018‌ :: 245‌ جار بینراوە

تاگ :: پارتی

دواڕۆژ، دهۆك
پارتى دیموكراتى كوردستان، به‌ربژێرێن خوه‌ بۆ هه‌لبژاردنێن په‌رله‌مانێ ئیراقێ ل دهۆك ده‌ستنیشانكرینه‌ و ئاماده‌نه‌ راده‌ستى كۆمسیۆنا بلند یا هه‌لبژاردنێن ئیراقێ بكه‌ن.


به‌رپرسێ نڤێسینگه‌ها هه‌لبژاردنێن پارتى ل دهۆك راگه‌هاند، ل گۆره‌ى یاسایا هه‌لبژاردنان پارتى 22 كه‌س وه‌ك به‌ربژێر بۆ ئه‌ندامه‌تیا په‌رله‌مانێ ئیراقێ ده‌ستنیشانكرینه‌ و د رۆژێن بهێتدا دێ وان ناڤان راده‌ستى كۆمسیۆنا بلند یا هه‌لبژاردنێن ئیراقێ كه‌ن".

خالد ئه‌حمه‌د بۆ دواڕۆژ گۆت"شیانێن پارتایه‌تى و وپێگه‌هشتن و پێگه‌هێ جڤاكى، فیلته‌رێ دیاركرنا به‌ربژێران بوویه‌ كو ژ هه‌موو پێكهاته‌یێن پارێزگه‌ها دهۆكن".

ناڤبۆرى خوه‌یاكر"هه‌لبژاردنێن ده‌ربازبووى یێن په‌رله‌مانێ ئیراقێ، ژنێن دهۆك كو لسه‌ر لیستا پارتى دیموكراتى كوردستان بوون، بێ كۆتا ده‌ر‌بازى په‌رله‌مانى بوون، بۆ هه‌لبژاردنێن بهێت ژى ژنێن دهۆك ئه‌و شیان و پێگه‌هـ دێ هه‌بیت كو ب ده‌نگێن خوه‌ بگه‌هن په‌رله‌مانى".

بڕیاره‌ تا 10-ێ ڤێ مه‌هێ هه‌موو هێزێن سیاسى ناڤێن به‌ربژێرێن خوه‌ بۆ په‌رله‌مانێ ئیراقێ راده‌ستى كۆمسیۆنا بلند یا هه‌لبژارنێن ئیراقێ بكه‌ن.



  • ڕۆژ
  • هەفتە
  • مانگ
created by Avesta Group and powered by Microsoft Azure