نوێترین زانیاری له‌باره‌ى دابه‌شكردنی نه‌وت له‌سلێمانی

هەواڵ / کوردستان :: 26/01/2018‌ :: 10396‌ جار بینراوە

دواڕۆژ، سامان قوبادى
سه‌رۆكی لیژنه‌ى وزه‌ و سامانه‌ سروشتییه‌كانی ئه‌نجومه‌نی پارێزگاى سلێمانی رایده‌گه‌یه‌نێت، به‌هۆی كه‌می هاتنی نه‌وتی سپییه‌وه‌، له‌م زستانه‌دا هه‌موو شاره‌كه‌ نه‌وتی به‌رناكه‌وێت.


د. غالب محه‌مه‌د، سه‌رۆكی لیژنه‌ى وزه‌ و سامانه‌ سروشتییه‌كانی ئه‌نجومه‌نی پارێزگاى سلێمانی بە دواڕۆژ ڕاگەیاند "پرۆسه‌ی دابه‌شكردنی نه‌وتی سپی له‌ناو سلێمانی گه‌یشتووه‌ته‌ مه‌ڵبه‌ندی دوو و هه‌فته‌یه‌كی تر ده‌گاته‌ مه‌ڵبه‌ندی سێ، بڕه‌كه‌شی زۆر كه‌مه‌، بۆیه‌ پرۆسه‌كه‌ به‌خاوی به‌ڕێوه‌ده‌چێت".

باسی له‌وه‌شكرد "به‌هۆی كه‌می بڕی هاتنی نه‌وته‌وه‌ له‌به‌غداوه‌ كه‌ رۆژانه‌ 3-5 تانكه‌ر دێت، ناتوانرێت له‌م زستانه‌دا هه‌موو ناوشاری سلێمانی نه‌وتى بەسەردا دابه‌شبكرێت".

به‌پێی پلانێك بۆ دابه‌شكردنی نه‌وت، سلێمانی دابه‌شكراوه‌ به‌سه‌ر 13 مه‌ڵبه‌نددا كه‌ هه‌ر مه‌ڵبه‌ندێك چه‌ند گه‌ڕه‌كێك له‌خۆده‌گرێت.



  • ڕۆژ
  • هەفتە
  • مانگ
created by Avesta Group and powered by Microsoft Azure