دهۆك: 120 هزار نیشته‌گه‌ریێن بچووك و مه‌زن هاتینه‌ ئه‌نجامدان

هەواڵ / کوردستان :: 26/01/2018‌ :: 303‌ جار بینراوە

دواڕۆژ، بورهان یه‌حیا
رێڤه‌به‌رییا گشتییا ساخله‌مییا پارێزگه‌ها دهۆك ئامارێن سالا بۆرى یێن خۆ به‌لاڤ كرن كو تێدا هاتییه‌ كو ل سه‌نته‌ر و نه‌خۆشخانه‌ و كلینیكێن سپێدێ و ئێڤاران 8 ملیۆن سه‌ره‌دان هه‌بووینه‌ و نێزیكى 120 هزار نیشته‌گه‌ریێن بچووك و مه‌زن هاتینه‌كرن.


ب گۆره‌ى راپۆرتا رێه‌به‌رییا گشتییا ساخله‌میێ كو دانه‌یه‌ك بۆ دواڕۆژ هاتییه‌ هنارتن تێدا دیار بوویه‌ كو؛ "سه‌ره‌دانا ئاواره‌یان بۆ نه‌خۆشخانه‌یان 440 هزار كه‌س بووینه‌، نڤاندن 19 هزار، ژدایكبوون 9 هزار، نیشته‌گه‌ر نێزیكى 4 هزار، مرن 237 كه‌س".

زێده‌تر هاتییه‌ كو؛ "سه‌رجه‌مێ خولێن راهێنانێ 1500 بووینه‌، 8 نۆشدار و كارمه‌ند چۆینه‌ ده‌رڤه‌ى وه‌لاتى بۆ به‌شدایكرنێ د خولان دا، ژمارا قه‌سته‌رێن دلى و نیشته‌گه‌ری 2600 دانه‌ و ژمارا نیشته‌گه‌رى و چاندن و شیشتنا گولچیسكان 20700 دانه‌ و ڤاكسیندانا زارۆیا نژ جۆرێ BCG 90% بوویه‌ و 72 هزار زارۆیێن په‌نابه‌ر و ئاواره‌ هاتینه‌ ڤاكسیندان".

د ئامارێن ساخله‌مییا دهۆك یێن 2017ێ دا هاتییه‌ كو؛ "3 وه‌لاتیێن بیانى ب ئایدزێ هاتینه‌ ده‌ستنیشانكرن و نه‌ خۆشیێن شه‌كرێ 22 هزار كه‌س و نێزیكى 400 هزار كه‌س سه‌ره‌دانێن كلینیك ونه‌خۆشخانه‌یێن ددانان بووینه و 7 ملیۆن پشكنینێن تاقیگه‌هێ هه‌بووینه و 700 هزار پشكنینێن تیشكێ هه‌بووینه‌".



  • ڕۆژ
  • هەفتە
  • مانگ
created by Avesta Group and powered by Microsoft Azure