چەکدارێکی حەشدی شەعبی بەتۆمەتی تەقاندنەوەی ماڵە کوردەکان دەستگیرکرا

هەواڵ / کوردستان :: 25/01/2018‌ :: 213‌ جار بینراوە

دوارۆژ، نوسینگەی کەرکوک
دەزگای ھەواڵگری عێراق ئاشکرایکرد چەکدارێکی حەشدی شەعبی لە باشوری کەرکوک بە تۆمەتی تەقاندنەوەی ماڵە کوردەکان و وەرگرتنی باج لە ھاونیشتمانیان دەستگیرکراوه‌.


بەپێی ئاگادارکردنەوەیەکی دەزگای ھەواڵگری عێراق لەکەرکوک کە بۆ دوارۆژ نێردراوە، ئەوە دەخاتەڕوو "دوای پێدانی زانیاری لەبارەی چەکدارێکی حەشدی شەعبی بەناوی (ش، ك) کە ماڵی ئەو ھاووڵاتیە کوردانە دەتەقێنێتەوە کە ئامادەنین باج و سەرانەی بدەنێ، بۆیە بە مادەی 430 لە قەزای داقوقی باشوری کەرکوک دەستگیرکرا".

ئاگادارکردنەوەیەکی دەزگای ھەواڵگری عێراق ئاماژە بەوەشدەکات "لەکاتی دەستگیرکردنی بڕێک مادەی تەقینەوە و چەک و گولـلە ئارپیجی لەنێو ماڵەکەی چەکدارەکەدا ھەبووە".

ھەروەھا ئاماژەبەوەشدەکات دوای لێکۆڵینەوەی زیاتر، (ش، ک) رادەستی بەرێوەبەرایەتی پۆلیسی گشتی کەرکوک دەکرێت.



created by Avesta Group and powered by Microsoft Azure