کۆسپ دەخرێتە بەردەم کۆنگرەی گشتی هەدەپە

هەواڵ / کوردستان :: 25/01/2018‌ :: 234‌ جار بینراوە

دواڕۆژ
بەهۆی ئۆپراسیۆنی عەفرینەوە ئەندامانی پارتی دیموکراتی گەلان (هەدەپە) ترسی ئەوەیان هەیە کۆسپ بخرێتە بەردەم کۆنگرەی گشتی پارتەکەیان کە بڕیارە رۆژی 11ی شوباتی داهاتوو ببەسترێت.

لە سێیەمین کۆنگرەی ئاسایی هەدەپەدا چاوەڕێ دەکرێت هاوسەرۆکانی نوێ بۆ پارتەکە هەڵبژێردرێن کە ئێستا لەزیندانەکانی تورکیادان.

لەو بارەیەوە رۆژنامەی جمهوریەتی ئۆپۆزسیۆن بڵاویکردەوە، ئەندامانی ئەو پارتە ترس و نیگەرانییان لا دروست بووە بەوەی بەهۆی ئۆپراسیۆنەکەی سوپای تورکیاوە بۆ سەر شاری عەفرین لە باکوری سوریا، بەتایبەتیش دوای ئەوەی هێزە ئەمنیەکانی تورکیا دەستیان بە هەڵمەتێک کردوە بۆ دەستگیرکردنی هەموو ئەو کەسانەی دژی ئۆپراسیۆنەکە دەوەستنەوە بەتایبەتێش ئەندامامانی هەدەپە.

وەرگێڕانی: کامەران ئەحمەد   



created by Avesta Group and powered by Microsoft Azure