سلێمانی: پۆستەرێكی تایبەت بە خۆپارستن لە بومەلەرزە بڵاودەكرێتەوە

هەواڵ / کوردستان :: 15/01/2018‌ :: 3046‌ جار بینراوە

دواڕۆژ، زریان محەمەد
بەمەبەستی خۆپاراستن لەكاتی روودانی بوومەلەرزە، قائیمقامیەتی سلێمانی بەهاوكاری كەسانی پسۆر و شارەزای كەشناسی و بوومەلەرزەزانی، پۆستەری ڕێنمایی تایبەت بە بوومەلەرزە بڵاودەكاتەوە.


ئاوات محەمەد قائیمقایمی سلێمانی بە دواڕژی وت "پۆستەری چۆنیەتی مامەڵەكردنی دروست لەكاتی روودانی بومەلەرزە كەبەهاوكاری كەسانی پسپۆر و شارەزای بواری كەشناسی و بومەلەرزە و لەلایەن قائیمقامیەتی سلێمانیەوە چاپ و بڵاو دەكرێتەوە، ڕێنمایی هاوڵاتیان دەكات بەخۆپاراستنیان لەكاتی ئەو رووداوە سروشتییەدا".

رێنماییە چاپكراوەكە بەوێنەی گوزارشتی دەوڵەمەند كراوە تا تێگەشتن لێی ئاسانتر بێت و هاوكار بێت بۆ ئەوكەسانە توانای خوێندنەوەیان نیە، هاوكات بەپێی شوێنەكان رێنماییەكان پۆلێنكراوە چونكە (ماڵەوە، ناو ئۆتۆمبیل و قوتابخانە و فەرمانگەكان) هەریەكەو رێنمایی تایبەت بەخۆی هەیە، كەپێویستە لەوكاتەدا هاوڵاتیان ئەو رێنماییانە جێبەجێی بكەن بۆئەوەی بەكەمترین زیان لە بوومەلەرزەكە دەربازبن. 

قائیمقامیەتی قەزای مەڵبەندی سلێمانی بەهاوكاری بەرێوەبەرایەتی كەشناسی و بوومەلەرزەی سلێمانی، پۆستەری رێنمایی تایبەت بە بوومەلەرزەی چاپ كردووە و لە شوێنە گشتی و دامودەزگا حكومیەكان و خوێندنگەكان بڵاو دەكرێتەوە تا هاوڵاتیان سوودی لێوەرگن و لەكاتی روودانی بومەلەرزەدا بەئارامی هەڵسوكەوت بكەن و هیچ كەسێك توشی شلەژان نەبێت. 

 



  • ڕۆژ
  • هەفتە
  • مانگ
created by Avesta Group and powered by Microsoft Azure