كه‌ركوك: مامەڵەی جیاکردنەوە و دەرکردنی فۆرمی خۆراک دەستپێدەکاتەوە

هەواڵ / کوردستان :: 14/01/2018‌ :: 212‌ جار بینراوە

دواڕۆژ، نوسینگەی کەرکوک
بەڕێوەبەرایەتی کۆمپانیای دابەشکردنی خۆراکی کەرکوک رایدەگەیەنێت، ھەفتەی داھاتوو مامەڵەکردن بۆ جیاکردنەوە و دەرکردنی فۆرمی خۆراک دەستپێدەکاتەوە.


عوسمان محەمەد شوانی، بەڕێوەبەری كۆمپانیای دابەشكردنی خۆراكی کەرکوک بە دواڕۆژی راگەیاند، ھەفتەی داھاتوو جیاکردنەوەی فۆرمی خۆراک دەستپێدەکاتەوە، بەڵام لە مانگی شوبات مامەڵەی فۆرمی خۆراكی نوێ بۆ ئەو هاوڵاتیانەی تازە خێزانیان پێكھێناوە دەستپێدەکات.

وتیشی "بەمنزیکانە ئاگادارکردنەوە و شێوازی مامەڵەکردنە دەنێرین بۆ تەواوی بریکارەکانی سەر بە كۆمپانیای دابەشكردنی خۆراكی کەرکوک".

ماوەی مانگێکە مامەڵەی جیاکردنەوە و دەرکردنی فۆرمی خۆراکی کەرکوک وەستاوە ئەمەش بوو بە هۆی وەستاندنی چەندین مامەڵەی ھاوڵاتیانی شارەکە.



created by Avesta Group and powered by Microsoft Azure