ل پرتووكخانه‌یا به‌ردرخانییان هزاران پرتووك هاتینه‌ زێده‌كرن

هەواڵ / که‌لتور :: 04/01/2018‌ :: 115‌ جار بینراوە

تاگ :: رۆشنبیرى

دواڕۆژ، بورهان یه‌حیا
رێڤه‌به‌رێ پرتووكخانه‌یا به‌ردخانییان ل دهۆك راگه‌هاند كو ل سالا بۆرى 252 هه‌ژمارێن سپاردنێ داینه‌ نڤیسه‌ران و 19 روونشتنێن ئیمزاكرنا ‌پرتووكان برێڤه‌چۆینه‌.

ئسماعیل تاهر رێڤه‌به‌رێ په‌رتووكخانه‌یا به‌ردخانییان ل دهۆك بۆ دواڕۆژ رۆهنكر كو "پترى 3500 پرتووكان هاتینه ‌كرین یان وه‌رگرتن‌ یان ب دیارى ل پرتووكخانه‌یێ زێده‌ بووینه‌ و هه‌شت سمینارێن گرێدایى پرتووك و نڤیسه‌رى هاتینه‌ رێكخستن و 3 پرتووكخانه‌یێن نوو ل سنۆرێ  پارێزگه‌ها دهۆك هاتینه‌ ڤه‌كرن".

ناڤبۆرى دیاركر كو "دۆرێن8000 خوانده‌ڤانان سه‌را پرتووكخانه‌یێن گشتى ل پارێزگه‌هێ دایه‌ و پرتووك وه‌رگرتنیه‌، دروست 252 هه‌ژمارێن سپاردنێ داینه‌ نڤیسه‌ران و هنده‌ك ژى بێ سپاردن چاپ بووینه‌ و ئه‌ڤه‌ نیشانه‌كا باشه‌ ب هه‌ڤبه‌ركرن دگه‌ل چار سالێن ده‌رباز بوویى، پترییا پرتووكێن چاپ بوویى ناڤه‌رۆكا وان لسه‌ر ره‌وشه‌نبیریا كوردى و مێژوو و ئاڤاكرنا مرۆڤى و ئایینى و وه‌رگێران بووینه‌".



created by Avesta Group and powered by Microsoft Azure