گروپێكی داعش له‌سلێمانی ده‌ستگیركران کە هەموویان ژن بوون

هەواڵ / کوردستان :: 03/01/2018‌ :: 7780‌ جار بینراوە

دواڕۆژ
کەناڵی گەلی کوردستانی زمانحاڵی یەکێتی نیشتمانی کوردستان بڵاویکردەوە کە لە چەند رۆژی رابردوودا ئاسایشی سلێمانی چەند گروپێکی تیرۆرستیان دەستگیرکردوە، کە لەنێویاندا گروپێکی سەر بە داعش هەبووە و سەرجەم ئەندامەکانی ژن بوون.


ئاماژەی بەوەشداوە "ئاسایشی سلێمانی بەبڕیاری دەزگای ئاسایشی هەرێم لێکۆڵینەوەیان کردوە و ئاشکرابووە کە یەکێک لەو گروپانە سەرجەمیان ژن بوون و لەڕێگەی تۆڕەکۆمەڵایەتییەکانەوە بانگەشەیان بۆ فیکری داعش کردووەو مەرامیان بووە ژوورێکی راگەیاندنی هاوبەش پێکبهێنن".

ئەوەش باسکراوە "پێشتر و جگە لەم گروپە ئاسایش لە چەند ناوچەیەکی دیکەی سنوری سلێمانی چەند گروپێکی دیکەی سەر بە داعشیان دەستگیرکردوە کە لە خۆڕێکخستن و ئامادەکاریدا بوون بۆ تێکدانی ئارامی سلێمانی".

ئەوەش ئاشکراکراوە "ئەو گروپانە پەیوەندیان بە گروپی ژنانی داعشەوە هەبووە و لەلایەن ئەبو عومەر مەهابادی و ئەبو ئەنەس کەرکوکییەوە سەرپەرشتیکراون و پیلانیان دانابوو ژیان لەخەڵکی سلێمانی تێکبدەن".



  • ڕۆژ
  • هەفتە
  • مانگ
created by Avesta Group and powered by Microsoft Azure