هەڵەبجە؛ 138 كەس دەستگیر كراون

هەواڵ / کوردستان :: 02/01/2018‌ :: 182‌ جار بینراوە

دواڕۆژ، عەلی حەمە سەعید
وتەبێژی بەڕێوەبەرایەتی پۆلیسی دارستان و ژینگەی هەڵەبجە ئەمڕۆ سێشەممە 2/1/2018 لە كۆنگرەیەكی ڕۆژنامەوانیدا ئاماری كاروچالاكی و دەستگیركردنی سەرپێچیكارانی لەساڵی ڕابردوودا بۆ دەزگاكانی ڕاگەیاندن خستەڕوو كە بەگوێرەی ئامارەكە تەنها لەساڵی ڕابردوودا 138 سەرپێچیكار دەستگیركراون و ڕووبەڕووی دادگا كراونەتەوە، هەروەها دەستیشیان بەسەر 57 چەكی جۆراو جۆردا گرتووە.

 
ملازم فەرمان عومەر، وتەبێژی بەڕێوەبەرایەتی پۆلیسی دارستان و ژینگەی هەڵەبجە لەكۆنگرەیەكی رۆژنامەوانیدا ئەوەی خستەڕوو، بەگوێرەی ئەو ئامارانەی لە بنكە و بەڕێوەبەرایەتییەكانی پۆلیسی دارسان و ژینگەی سنووری پارێزگای هەڵەبجەوە كۆمانكردوونەتەوە تەنها لەمساڵدا 138 سەرپێچیكار دەستگیركراون بە بەراورد بەساڵی ڕابردووش ژمارەكە بەڕێژەیەكی زۆر زیادیكردووە، هاوكات هەر لەساڵی ڕابردوودا توانیویانە دەستبگرن بەسەر 57 چەك و 225 فیشەكی جۆراوجۆردا.
 
ئاماژەی بەوەشكرد، هەر لەساڵی ڕابردوودا 22 باڵندەی زیندوو هەروەها 18 باڵندەی كوژراو لەدەستی ڕاوچییەكان سەندراوەتەوە، هاوكات لەساڵی ڕابردوودا و لەوەرزی قەدەغەكردنی ڕاوەماسیدا دەستگیراوە بەسەر 394 تۆڕی ڕاوەماسیدا و 400 كیلۆ ماسیش دەستی بەسەردا گیراوە لەزیادكردنی ئاشكراد فرۆشراوەتەوە.
 
هەر لەو كۆنگرە ڕۆژنامەوانییەدا وتەبێژی پۆلیسی دارستان و ژینگەی هەڵەبجە ئەوەشی وت "هەر لەساڵی ڕابردوودا توانیویانە دەستبگرن بەسەر هەشت ئامێری بیر هەڵكەندندا لەگەڵ ئەوەشدا توانراوە دەستبگیرێت بەسەر 19 ئۆتۆمبێل و ماتۆڕسكیلدا كە لەلایەن سەرپێچیكارانەوە بەمەبەستی ڕاوركردن بەكار هێنراون، ئەوە سەرەڕای ئەوەی دەستیش گیراوە بەسەر 24 داوی ڕاوكردندا.



created by Avesta Group and powered by Microsoft Azure