بۆ جه‌ژنا سه‌رێ سالێ پتری 12000 گه‌شتیار هاتینه‌ پارێزگه‌ها دهۆك

هەواڵ / ئابوری :: 02/01/2018‌ :: 182‌ جار بینراوە

دواڕۆژ، بورهان یه‌حیا
به‌رپرسێ كاروبارێن پشكنینێ ل رێڤه‌به‌رییا گشتییا گه‌شتوگوزار دهۆك راگه‌هاند كو؛ ل رۆژانێن سه‌رێ سالێ 12216 گه‌شتیار ل چار خالێن سنۆری هاتینه‌ ناڤ پارێزگه‌هێ كو پترییا وان ژ ده‌رگه‌هێ سنۆریێ ئیبراهیم خه‌لیل بووینه‌.

شه‌مال جه‌عفه‌ر به‌رپرسێ كاروبارێن پشكنینێ ل رێڤه‌به‌رییا گشتییا گه‌شتوگوزار دهۆك بۆ دواڕۆژ رۆهنكر؛ "ل 25 هه‌تا 31 كانوونا دووێ 2017ێ 12216 گه‌شیار ل هه‌ر چار خالێن ئیبراهیم خه‌لیل، سه‌رزێرێ، ئالۆكا و ده‌رگه‌هێ ئاكرێ هاتینه‌ ناڤ پارێزگه‌ها دهۆك و رێژه‌یا هه‌ره‌ پتر ژ ده‌رگه‌هێ ئیبراهیم خه‌لیل و دووڤدا ده‌رگه‌هێ ئاكرێ چونكو نێزیكی هه‌ولێرێیه‌ و رێكا مووسل بۆ دهۆك نه‌هاتییه‌ ڤه‌كرن و گه‌شتیارێ باشۆر و ناڤه‌راستێ ئیراقێ نه‌چاره‌ ب رێكا هه‌ولێره‌ بهێته‌ ناڤ دهۆكێ".

ناڤبۆری ئاماژه‌كر كو؛ "گه‌شتیار یان ب رێكا گرۆپان ب تاكه‌كه‌سی و خێزان به‌ره‌ڤ دهۆكێ دهێن و ب كێمی سێ رۆژان دمینن و پاره‌ی ل هۆتێل، ته‌كسی، خواران، پانزین و دیاریان و هنده‌ك تشتێن دی دمه‌زێخیت".

ب گۆره‌ی داتایێن ده‌سته‌یا گه‌شتوگوزارێ هه‌ر گه‌شتیاره‌ك 70 دۆلاران دمه‌زێخیت و ب ڤی ره‌نگی داهاتێ 12216 گه‌شتیاران بۆ پارێزگه‌ها دهۆك پتری 855 هزار دۆلارن.



  • ڕۆژ
  • هەفتە
  • مانگ
created by Avesta Group and powered by Microsoft Azure

بەپەلە