ئەردۆغان هەڕەشەی داگیرکردنی عەفرین و منبج دەکات

هەواڵ / جیهان :: 30/12/2017‌ :: 352‌ جار بینراوە

دواڕۆژ
رەجەب تەیب ئەردۆغان، سەرۆک کۆماری تورکیا و سەرۆکی پارتی داد و گەشەپێدان (ئاکەپە) ئەمڕۆ ئاماژەی بە داگیرکردنی شارە کوردییەکانی رۆژئاوای کوردستان کردووە.


ئەردۆغان، لەوتەیەکیدا لە میانەی کۆنگرەی پارتەکەی لە شاری (کاستامۆنو) رایگەیاند وڵاتەکەی ئاسایش بەسەر ناوچە سنوریەکانی لە دیوی سوریا دەسەپێنێت و ئاماژەی بە داگیرکردنی عەفرین و منبج کرد و بە هەڕەشە بۆ تورکیا لە قەڵەمیدا.

ئەردۆغان وتی "واشنتن سەرباری بەڵێنەکانی بەردەوامە لە پڕچەککردنی یەپەگە و تا ئێستاش چوار هەزار بارهەڵگر لەچەک و تەقەمەنی بۆ یەپەگە ناردووەو بۆ ساڵی داهاتووش لە بودجەکەیدا پارەی بۆ هەمان ئامانج تەرخانکردوە".

ئەردۆغان له‌ وتەكه‌یدا هێرشی توندی کردەسەر سەرۆکی ئۆپۆزسیۆن و بە پشتیوانیکردن لە هەموو رێکخراوە تیرۆریستییەکان تۆمەتباری کرد.

ئەردۆغان رایگەیاند کە، کڵچدارئۆغڵو، سەرۆکی پارتی گەلی کۆماری (جەهەپە) جگە لەپشتیوانیکردن لە تیرۆریستان و کودەتاچییەکان، تا ئێستا هیچ داکۆکییەکی لە مافەکانی تورکیا نەکردوە.

وەرگێڕانی: کامەران ئەحمەد 



  • ڕۆژ
  • هەفتە
  • مانگ
created by Avesta Group and powered by Microsoft Azure