ژیانی ئیمیلی دیكنسۆن-ی ژنە شاعیری ئەمریكایی لەفیلمێكدا

هەواڵ / که‌لتور :: 30/08/2017‌ :: 209‌ جار بینراوە

دواڕۆژ
ئێستا لە هۆڵە سینەماییەكانی ئەوروپا، فیلمێكی تایبەت و ناوازە نمایش دەكرێت دەربارەی ژیانی یەكێك لە ژنە شاعیرەكانی ئەمریكا.


فیلمەكە ناوی (ئیمیلی دیكنسۆن، ئازاری هێواش) ە و كاری دەرهێنانی لەلایەن هونەرمەند ترانس دێڤیس-ەوە بۆ كراوە.

فیلمەكە ژیانی ئەو ژنە شاعیرەی ئەمریكا دەگێڕێتەوە كە لە تەمەنی پەنجا و شەش ساڵیدا مۆمی تەمەنی كوژاوەتەوە، دوای ئەوەی ژیانێكی دابڕاو و دوور لە دەرەوەی، لە چوارچێوەی دیوارەكانی ماڵەكەیدا بەسەربرد. زۆری چەشت بەدەست باری قورسی ژیان و نەهامەتیەكانی رۆژگارەوە.

ئەگەر ژیانی ئەم شاعیرە گەورەیە، كە تەنیا چەند شیعرێكی كەمی لە ژیانی خۆیدا بڵاوكراونەتەوە (یەكێكیان-زەوی كورت و دڵەڕاوكێی رەها-یە)، یاخیبوون و دژەباو بووبێت، ئەوا لەناو (زیندانەكەیشیدا) هەر بێكێشە و رووداوی جۆراوجۆر نەبووە. 
ترانس دێڤیس-ی دەرهێنەری فیلمەكە، دەیەوێت بۆشایی بوونی بەرجەستەیی لە شیعردا دەربخات. تێڕوانینیشی وایە "ئیمیلی دیكنسۆن لەبەر ئەوە دەنووسێت كە ناتوانێت ژیانی خۆی بژی" ئەمەیش بەهۆی كۆمەڵگەی توندڕەو و باوكسالاری و دژە ژنەوە.
فیلمەكە هەوڵی ئەوە دەدات بەر سێ‌ كەسێتیی ژن بكەوێت (ئیمیلی لەگەڵ دایكیدا دەژیا و خوشكەكەیشی پێشوازیی لە هاوڕێیان دەكرد). 



created by Avesta Group and powered by Microsoft Azure

بەپەلە