بیروباوه‌رێن شیعه‌یان ل شنگال دهێته‌ به‌لاڤكرن

هەواڵ / کوردستان :: پێش 2 هەفتە ‌ :: 152‌ جار بینراوە

دواڕۆژ، بورهان یه‌حیا
به‌رپرسێ ره‌وشه‌نبیرى وراگه‌هاندنا بنگه‌هێ لالش دیاركر:" حه‌شدا شه‌عبى ل سنۆرێ شنگال كار بۆ به‌لاڤكرنا بیروباوه‌رێن شیعاتیێ دكه‌ن و دوو مه‌زارگه‌هێن خۆ ل شنگال ب شێوه‌یه‌كێ سه‌رده‌میانه‌ نووژه‌ن كرینه و ب ده‌هان په‌رستگه‌هێن ئێزدییان هێشتا چۆلن‌.

شه‌مۆ قاسم به‌رپرسێ راگه‌هاندن وره‌وشه‌نبیریێ ل بنگه‌هێ لالش یێ ره‌وه‌شنبیرى و جڤاكى ل دهۆك بۆ دواڕۆژ رۆهنكر:" هه‌ر دگه‌ل هاتنا حه‌شدا شه‌عبى بۆ سنۆرێ ده‌ڤه‌ردارییا شنگال رێك بۆ وه‌لاتیێن ئه‌ره‌ب یێن ره‌خودۆرێن شنگال كو هه‌موویان ده‌ست دگه‌ل داعش هه‌بوویه‌ خۆش كرییه‌ كو بزڤرنه‌ سه‌ر گوندێن خۆ، دیسا ده‌ست ب به‌لاڤكرنا بیروباروه‌رێن شیعاتیێ ل ده‌ڤه‌رێ كرینه‌".

خویاكر:" ب ده‌هان په‌رستگه‌هێن ئێزدییان ل شنگال هه‌ڕفینه‌ و پێدڤى ب نووژه‌نكرنێ نه‌، لێ حه‌شدێ ب تنێ دوو مه‌زارگه‌هێن شیعه‌یان ل شنگال ب شێوه‌یه‌كێ سه‌رده‌میانه‌ نووژه‌ن كرینه و دگه‌ل هندێ هاتنا وان و زێده‌بوونا هێزێن له‌شكه‌رى ل وێ ده‌ڤه‌رێ رێگربوویه‌ كو خه‌لك بشێت ب ئاسانى ڤه‌گه‌ریت".

شه‌مۆ قاسم راگه‌هاند:" به‌رنامه‌ و پلانا (حیلالا شیعى) ل شنگال دهێته‌ په‌یره‌وكرن و  ‌ڤالابوونا شنگال ژ ئێزدییان د به‌رژه‌وه‌ندییا ڤێ پلانێ دایه‌، له‌وا خزمه‌تگوزارى ژى بۆ شنگال ناهێن بۆ هندێ ئێدى خه‌لك نه‌زڤریت و هێدى هێدى ئه‌ره‌ب بچنه‌ سه‌ر جهێن وان".



  • ڕۆژ
  • هەفتە
  • مانگ
created by Avesta Group and powered by Microsoft Azure